قاراعاندى وبلىسىنىڭ اكىمى جەڭىس قاسىمبەك ۇلىتاۋ اۋدانىنىڭ ءورت شالعان ەلدى مەكەندەرىنە كەلىپ, قالىپتاسقان جاعدايمەن تانىستى, دەپ حابارلايدى Egemen.kz.
«ساعات 08:30-دا ۇلىتاۋ اۋدانىنىڭ پيونەر اۋىلىنا كەلدىم. اۋىلدان 10 شاقىرىم جەردە اۋماعى 700 مەترگە جۋىق شاعىن ءورت وشاعىن ءسوندىرۋ بويىنشا جۇمىستار جۇرگىزىلۋدە. تۇرعىندار ءۇشىن ەشقانداي قاۋىپ-قاتەر جوق. اتالعان اۋىلدا توتەنشە جاعداي زارداپتارىن جويۋ بويىنشا شتاب قۇرىلدى», دەپ حابارلادى ءوزىنىڭ فەيسبۋك پاراقشاسىندا ءوڭىر باسشىسى.
قازىرگى تاڭدا بۇل ەلدى مەكەندە قۇرامىندا 89 ادام بار قۇتقارۋ بولىمشەلەرى, جەرگىلىكتى تۇرعىندار اراسىنان 103 ەرىكتى جانە ورتكە قارسى ەرىكتى نەگىزدەگى قۇرىلىمداردىڭ 43 مۇشەسى تاۋلىك بويى جۇمىس ىستەۋدە.
پيونەر اۋىلىنداعى جاعدايمەن تانىسقاننان كەيىن, جەڭىس قاسىمبەك ءورت قورشاۋىندا قالعان شەڭبەر اۋىلدىق وكرۋگىندە بولدى. مۇندا قوستاناي وبلىسى جاعىنان شىققان دالا ءورتىنىڭ تاعى ءبىر وشاعى تىركەلگەن بولاتىن. وبلىس باسشىسى حابارلاعانداي, وقيعا ورنىندا ءورت سوندىرۋشىلەر جانە ورمان شارۋاشىلىعىنىڭ قىزمەتكەرلەرى جۇمىس ىستەۋدە. ەلدى-مەكەنگە ءتونىپ تۇرعان قاۋىپ جوق.
سونداي-اق, وبلىس اكىمى امانگەلدى اۋىلدىق وكرۋگىندەگى جاعدايمەن اۋەگە كوتەرىلىپ, ۇشاق ۇستىندەتانىسقانىن, قازىر مۇنداعى ءورت وشاعىنىڭ تولىقتاي سوندىرىلگەنىن حابارلادى.
جالپى, ۇلىتاۋ اۋدانى بويىنشا بارلىعى ءالتىورت وشاعى باقىلاۋعا الىنعان. ونىڭ ىشىندە ءتورت دالا ءورتى جانە ەكى ءورت وشاعى بار. ساتباەۆ قالاسى ماڭىنداعى ءورت وشاعى ءسوندىرىلدى. ال بورسەڭگىر اۋىلىنىڭ ماڭىنداعى ءورت وشاعىن ءوشىرۋ جۇمىستارى اياقتالۋعا جاقىن.
«قاۋىپتى ۋچاسكەلەردى جويۋ ءۇشىن قاجەتتى كۇشتەر مەن قۇرالدار جەتكىلىكتى. جەزقازعان جانە ساتباەۆ قالالارىنان اكىمدىكتەر 20 توننا كولەمىندە جانار-جاعارماي مەن ازىق-ت ۇلىك جەتكىزۋدى ۇيىمداستىردى», دەپ مالىمدەدى ج.قاسىمبەك.
قايرات ءابىلدا,
«Egemen Qazaqstan»
قاراعاندى وبلىسى