جوبا مەملەكەت باسشىسى ق. توقاەۆتىڭ اۋتيستىك سپەكتردەگى مۇگەدەك بالالارعا ارنالعان مەكەمەلەر سانىن ۇلعايتۋ تۋرالى تاپسىرماسىنا سايكەس, تۇڭعىش پرەزيدەنت ن. نازارباەۆ قورىنىڭ «قامقورلىق» جوباسى اياسىندا جۇزەگە استى, دەپ حابارلايدى Egemen.kz.
بۇگىنگى دەيىن الماتىدا يپپوتەراپيا اقىلى تۇردە قىزمەت كورسەتەتىن ەدى. بۇل كەيبىر الماتىلىقتار ءۇشىن قولجەتىمسىز بولاتىن. ەندى قالالىق بيۋدجەت ەسەبىنەن جىلىنا 100-گە جۋىق بالا ەم الۋعا مۇمكىندىك الدى.
تۇڭعىش پرەزيدەنت ن. نازارباەۆتىڭ قورى «قامقورلىق» جوباسى اياسىندا مەملەكەت باسشىسى ق. توقاەۆتىڭ اۋتيستىك سپەكتردەگى مۇگەدەك بالالارعا ارنالعان مەكەمەلەر سانىن ارتتىرۋ تۋرالى تاپسىرماسىنا سايكەس, سونداي-اق Nur Otan پارتياسىنىڭ «وزگەرۋ جولى: اركىمگە لايىقتى ءومىر» سايلاۋالدى باعدارلاماسىن ورىنداۋ ءۇشىن الماتىدا «يپپوتەراپيا» مەن «ات سپورتى» جوباسىنىڭ اشىلۋى ءوتتى. ءىس-شارا قر تاۋەلسىزدىگىنىڭ 30 جىلدىعى مەن استانا كۇنىنە ارنالدى.
جوبا پسيحونەۆرولوگيالىق اۋرۋلارى, اقىل-وي كەمىستىگى, تىرەك-قيمىل اپپاراتى بۇزىلعان, سونىڭ ىشىندە بتسپ, داۋن سيندرومى, اۋتيزم سپەكترى بۇزىلعان 18 جاسقا دەيىنگى مۇگەدەك بالالاردى قولداۋ مەن ەمدەۋگە باعىتتالعان.
«يپپوتەراپيا» ءادىسى العاش رەت 1992 جىلى اقش-تا امەريكاندىق يپپوتەراپيا قاۋىمداستىعىنىڭ قۇرىلۋىمەن تۇسپا-تۇس كەلدى. بۇل بىرەگەي ءارى جاڭاشىل جوبا. جوبا اياسىندا مۇگەدەكتىگى بار بالالاردى اۋرۋدىڭ ەرتە كەزەڭدەرىندە ءساتتى ەمدەۋگە بولادى.
جوبانى Paralympic Sports Association قوعامدىق قورى الماتى قالاسىنىڭ الەۋمەتتىك ءال-اۋقات باسقارماسىنىڭ قولداۋىمەن مەملەكەتتىك الەۋمەتتىك تاپسىرىس اياسىندا جەرگىلىكتى بيۋدجەت ەسەبىنەن جۇزەگە اسىرىپ وتىر.