بەلگىلى ايتىسكەر اقىن ومىردەن ءوتتى

بۇل تۋرالى ايتىسكەر اقىن ءبىرجان بايتۋوۆ Facebook الەۋمەتتىك جەلىسىندەگى پاراقشاسىندا جازدى.

«الاشتىڭ اياۋلى اقىنى Əسەلحان قالىبەكوۆا اپامىز بۇل جالعانمەن قوشتاستى. بارشا قازاق ەلىنە قايعىرىپ كوڭىل ايتامىز. جانازا ۋاقىتىن قوسىمشا حابارلايمىز», دەدى ول.

اسەلحان قالىبەكوۆا 22 ءساۋىر, 1950 جىلى تۇركىستان وبلىسى, وتىرار اۋدانى,ء شاۋىلدىر اۋىلىندا تۋعان. 

اسەلحان قالىبەكوۆا بەلگىلى حالىق اقىنى ەرگوبەك قۇتتىباي ۇلىنىڭ ۇرپاعى.

1966 جىلى كوكساراي ەلدى مەكەنىندەگى مۇحتار اۋەزوۆ اتىنداعى ورتا مەكتەبىن بىتىرگەن. 1970 جىلدارى اۋداندىق مادەنيەت بولىمىندە, اۋداندىق گازەت رەداكتسياسىندا قىزمەت ەتتى. 1971-91 جىلدارى ارالىعىندا اۋداندىق اۋا رايى مەكەمەسىندە باقىلاۋشى قىزمەتىن اتقارعان.

1981 – 1982 جىلدارى سۋىرىپ سالما ايتىس اقىندارىنىڭ دوداسىنا قاتىسا باستادى. اسەلحاننىڭ ايتىس ونەرىنە قوسقان ۇلگى-ونەگەسى مول.

اقىن اپا ايتىس الەمىندە الىپ سامۇرىققا ۇقسايتىن, قاناتىمەن داۋىل تۇرعىزىپ, ەكپىنىمەن نايزاعاي ويناتاتىن, ەلىنىڭ ەڭ سۇيىكتى پەرزەنتىنە اينالعان.

رەسپۋبليكامىزعا تانىمال بەلگىلى اقىنداردىڭ بارىمەن كەزدەسىپ, ايماقتىق, رەسپۋبليكالىق, حالىقارالىق كوپتەگەن ءدۇبىرلى ايتىستاردا نامىستى قولدان بەرمەگەن, وت اۋىزدى وراق ءتىلدى, ارقالى اقىن.