جىل باسىندا تۇرعىن ءۇي-كوممۋنالدىق شارۋاشىلىق ماسەلەلەرى بويىنشا جاڭا زاڭ كۇشىنە ەندى. وندا تۇرعىن ءۇي كەشەنى تۇرعىندارى م ۇلىك يەلەرىنىڭ بىرلەستىگىن (ميب) قۇرا الاتىنى تۋرالى جازىلعان. ميب دەگەن نە جانە قانداي ارتىقشىلىعى بار؟
م ۇلىك يەلەرىنىڭ بىرلەستىگى – ءۇيدى باسقارۋدىڭ جاڭا فورماسى. ول بىرقاتار ارتىقشىلىققا يە. ءبىرىنشى كەزەكتە بۇل كوپپاتەرلى ۇيلەردەگى ورتاق م ۇلىكتى پايدالانۋعا بوگدە ۇيىمداردىڭ ەمەس, مەنشىك يەلەرىنىڭ وزدەرى جاۋاپ بەرەتىندىگىمەن ەرەكشە, دەپ حابارلايدى نۇر-سۇلتان اكىمدىگىنىڭ رەسمي سايتى.
ميب باسقارۋ فورماسى پاتەر يەلەرىنە ءۇيدى باسقارۋ, بولىنەتىن قاراجات سوماسى جانە ونى قانداي قاجەتتىلىكتەرگە جۇمساۋ كەرەكتىگىن, قىزمەت جەتكىزۋشىسىن جانە ولاردى ۇسىنۋ جيىلىگىن تاڭداۋعا مۇمكىندىك بەرەدى.
تاجىريبە جۇزىندە سىرتقى ۇيىمدار كوپپاتەرلى تۇرعىن ۇيلەردەگى جالپى ءۇي مۇلكىن باسقارۋ جانە كۇتىپ ۇستاۋ سەكىلدى مىندەتتەرىن ءتيىستى دەڭگەيدە اتقارمايتىنىن كورسەتتى.
مەنشىك يەلەرى وزدەرى تولەيتىن 100% ءتاريفتىڭ اي سايىن 30%-ى باسقارۋعا, ال 70%-ى جالپى ءۇي مۇلكىن پايدالانۋ جانە ۇستاۋ قاعيداتى بويىنشا جۇمسالاتىنىن ءبىلۋى ءتيىس.
پيك پەن وزگە دە ۇيىمداردىڭ ءۇيدى كۇتىپ ۇستاۋ جونىندەگى مىندەتتەرىن ورىندامايتىنى تۋرالى شاعىم ءجيى-ءجيى قوزعالادى.
مۇنداي جاعدايلاردىڭ الدىن الۋ ءۇشىن ءۇي يەلەرى باسقارۋ فورماسىن, اتاپ ايتقاندا ميب-ءتى تاڭداپ, جينالىس وتكىزىپ, ونى تىركەۋى كەرەك.
ەستەرىڭىزگە سالا كەتەيىك, ورتاق م ۇلىكتىڭ ساقتالۋى مەن قىزمەت كورسەتۋ ساپاسى ءۇشىن مەنشىك يەلەرى ارنايى جاۋاپتى بولادى.
وسىعان قاتىستى تولىق اقپاراتتى رەسپۋبليكا كوشەسى, 32 مەكەنجايىندا ورنالاسقان ميب ورتالىعىنان الۋعا بولادى.