ەلىمىزدەگى بىرقاتار قۇرىلىس نىسانى سول كۇيى سالىنباي قالۋى مۇمكىن. سەبەبى شيكىزاتتىڭ قىمباتتتاۋى مەردىگەرلەردى تىعىرىققا تىرەدى, دەپ حابارلايدى Egemen.kz حابار-24-كە سىلتەمە جاساپ.
ءاربىر شىعىنىن ەسەپتەپ بارىپ, تاپسىرىس العان مەردىگەرلەر بۇگىندە نە ىستەرلەرىن بىلمەي قالدى. سەبەبى, قۇرىلىس ماتەريالدارىنىڭ جىلدىڭ باسىنداعى باعاسى مەن قازىرگى قۇنى جەر مەن كوكتەي. اسىرەسە تسەمەنت, بەتون, جىلىتقىشتار مەن مەتالدا ايقىن سەزىلەدى.
قازاقستان قۇرىلىسشىلار وداعى توراعاسىنىڭ ورىنباسارى بەنيامين فايزۋللين جاعداي وسىلاي جالعاسا بەرسە, ەلدە قۇرىلىس مۇلدە تۇرالاپ قالۋى مۇمكىن ەكەنىن ايتادى. سەبەبى مەملەكەتتىك باعدارلاما اياسىندا تاپسىرىس العان مەردىگەرلەر شيكىزات قۇنىنىڭ قىمباتتاۋىنان شىعىنعا باتقان. سوندىقتان ولار ءاۋ باستاعى كەلىسىمشارتقا تۇزەتۋلەر ەنگىزىپ, قوسىمشا قارجى ءبولۋدى سۇراپ وتىر. قازىر وداق اتالعان ماسەلەنى ءتيىستى ورگاندارعا جەتكىزگەنىن حابارلادى. الايدا ناتيجە جوق. ال قۇرىلىس ماتەريالدارىنىڭ قۇنى وسكەن ۇستىنە ءوسىپ بارادى.
ماسەلەن, ارماتۋرانىڭ تونناسى بۇگىندە 430 مىڭ تەڭگەدەن ساۋدالانىپ جاتىر. باعا بىلتىرمەن سالىستىرعاندا 232%-عا ارتقان. م-400 ماركالى تسەمەنتتىڭ قۇنى 36 مىڭ تەڭگە دەپ بەلگىلەنگەن. ءوسىم 218%-دى قۇرايدى. جالپى نارىقتا بۇل شيكىزاتقا تاپشىلىق بار.
سول سياقتى بەتوندى جەتكىزىپ بەرۋ قىزمەتىمەن 23 مىڭ تەڭگەگە الۋعا بولادى. ونىڭ قۇنى 114%-عا كوتەرىلگەن. كىرپىش تە قىمباتتادى. ءبىر داناسى - 80 تەڭگە.