الماتى وبلىسىندا «دەلتا» شتامى انىقتالدى. وڭىردە كۆي بەلگىلەرى بار 17 مىڭنان اسا جاعداي تىركەلدى. ال سوڭعى تاۋلىكتە 52 ادام ىندەتكە شالدىققانى راستالىپ وتىر. بۇل تۋرالى Jetisy Media الاڭىندا ءمالىم بولدى.
ەپيدەميالىق باقىلاۋ ماتريتساسىنا سايكەس وبلىس «جاسىل ايماقتا» ورنالاسقان. دەسە دە بالقاش, ەسكەلدى, جامبىل, ىلە, قاراساي, قاراتال, سارقان, كوكسۋ, تالعار اۋداندارى مەن تەكەلى قالاسىندا اۋرۋدىڭ ءوسۋ قارقىنى جوعارى بولىپ تۇر.
«ەپيدەميولوگيالىق تەكسەرۋ بارىسىندا ينفەكتسيانىڭ ىقتيمال ورىندارى انىقتالدى. ماسەلەن, ءبىر وتباسى مۇشەلەرى اراسىندا جۇقتىرۋ كورسەتكىشى – 23,1%, بازارلاردا – 11,5%, ساۋدا نىساندارىندا – 15,2%, قوعامدىق كولىكتە – 11,5% جانە وتباسىلىق ءىس-شارالاردا – 11,5%, سىرتتان كەلگەن جاعدايلار تىركەلمەگەن», دەيدى الماتى وبلىسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى ەرعالي سىدىمانوۆ.
وبلىستا تالعار جانە قاراتال اۋداندارىندا «دەلتا» شتامىن جۇقتىرۋدىڭ 2 جاعدايى انىقتالعان. اتى جامان ىندەتكە شالدىعۋشىلار – ەكپە الماعان تۇرعىندار ەكەن.
ايماققا جالپى سانى 408 475 دوزا ۆاكتسينا كەلىپ تۇسكەن. ونىڭ ىشىندە 39 500-ى – Hayat-Vax, 332 975-ءى – سپۋتنيك V, 8 مىڭى – QazVac جانە 28 مىڭى – CoronaVac. ەكىنشى كومپونەنت بويىنشا 253 350 دوزا ۆاكتسينا بار. ونىڭ ىشىندە 39 500-ءى – Hayat-Vax, 177 850-ءى – سپۋتنيك V, 8 مىڭى – QazVac جانە 28 مىڭى – CoronaVac. ۆاكتسينالاردىڭ ءبىرىنشى كومپونەنتىن بارلىعى 346 922 ادام, ال ەكىنشىسىن 208 094 سالدىردى.
سپيكەر ددۇ دەرەكتەرى بويىنشا قازاقستاندا قولدانىلاتىن ۆاكتسينالار كوروناۆيرۋس ينفەكتسياسىنىڭ ءۇندى, بريتاندىق, وڭتۇستىك افريكا جانە برازيليالىق شتامدارىنا قاتىستى ءتيىمدى ەكەنىن اتاپ ءوتتى.
اshyq جوباسىن ەنگىزۋ باستالعاننان بەرى مونيتورينگتىك توپتارمەن باعدارلامانى پايدالانا وتىرىپ, قىزمەتىن جۇزەگە اسىراتىن 589 وبەكت قامتىلدى. QR-كودتى سكانەرلەۋ كەزىندە وبلىس بويىنشا «قىزىل» جانە «سارى» ستاتۋسى بار 110 كەلۋشى انىقتالدى, ونىڭ ىشىندە «قىزىل» ستاتۋس 41 كەلۋشىدە, «سارى» ستاتۋس 69 كەلۋشىدە بولعان. ايتا كەتەيىك, ءۇي كارانتينىن بۇزعانى ءۇشىن «قىزىل» ستاتۋسى بار تۇلعالار اقبتك-ءنىڭ 802-بابى بويىنشا جاۋاپقا تارتىلادى.