لاتۆيانىڭ مەملەكەتتىك جەدەل مەديتسينالىق كوميسسياسى كوروناۆيرۋستىق ينفەكتسيانىڭ تارالۋىنا بايلانىستى جاريالانعان مەديتسينالىق توتەنشە جاعدايدىڭ كۇشىن جويدى. بۇل تۋرالى ەل ۇكىمەتىنىڭ ءباسپاسوز قىزمەتىندە مالىمدەدى, دەپ حابارلايدى Egemen.kz..
دەنساۋلىق ساقتاۋ ءمينيسترى دانيەل ءپاۆليۋتستىڭ مالىمدەۋىنشە, اۋرۋحانالارداعى جانە دەنساۋلىق ساقتاۋ جۇيەسىندەگى جاعداي مۇقيات تالدانىپ, قاناعاتتانارلىق دەپ تانىلدى. اۋرۋحانالاردا ىندەتكە شالدىققان ناۋقاستار سانى ەدەۋىر ازايعان. قازىرگى ۋاقىتتا بۇل ناۋقاستارعا تەك ريگاداعى كلينيكالىق ۋنيۆەرسيتەتتەردىڭ اۋرۋحانالارى مەن ءىرى ايماقتىق اۋرۋحانالار كومەك كورسەتەدى.
ۇكىمەتتىڭ ءباسپاسوز قىزمەتىنىڭ حابارلاماسىندا كورسەتىلگەندەي, ەلدىڭ مەديتسينالىق مەكەمەلەرى سىرقاتتانۋشىلىق دەڭگەيى جوعارىلاعان جاعدايدا, ءۇش كۇن ىشىندە كوروناۆيرۋستىق ينفەكتسياعا شالدىققان ناۋقاستارعا ارنالعان توسەك-ورىن سانىن قالپىنا كەلتىرۋگە دايىن بولۋى ءتيىس.
لاتۆيا مەديتسيناسىنداعى توتەنشە جاعداي 2020 جىلدىڭ جەلتوقسانىندا جاريالانعان بولاتىن.