قازاقستان الەمدىك The Green Future Index رەيتينگىندە 76 ەلدىڭ ىشىندە 33-ورىنعا شىقتى, دەپ حابارلايدى Egemen.kz.
زەرتتەۋ ناتيجەسى ماسساچۋسەتس تەحنولوگيالىق ينستيتۋتىنىڭ كليماتتىڭ وزگەرۋى پروبلەمالارىنا باعىتتالعان MIT Technology Review پورتالىندا جاريالاندى.
اتالعان رەيتينگىدە جەتەكشى ەلدەردىڭ تومەن كومىرتەكتى كەلەشەكتى قالىپتاستىرۋداعى پروگرەسى, ەكونوميكانىڭ - ەنەرگەتيكا, اۋىل شارۋاشىلىعى, يندۋستريا, الەۋمەتتىك سالالارىنىڭ جاسىل تەحنولوگياعا كوشۋى ەسەپكە الىنادى. ياعني, مەملەكەتتەردىڭ قايتا وڭدەلەتىن ەنەرگيا, يننوۆاتسيا مەن جاسىل قارجىلاندىرۋعا ينۆەستيتسيا سالۋى – باستى نازاردا.
اتالعان كەستەدە زەرتتەلگەن ەكونوميكا سالالارىنىڭ ءبىر-بىرىنە قاتىناسى كورسەتىلىپ, كومىرتەك شىعارىندىلارى, جاسىل قوعام, ەنەرگەتيكالىق اۋىسۋ, تازا يننوۆاتسيالار جانە كليمات سالاسىنداعى ساياسات باعىتتارى بويىنشا ورتاق باعا شىعارىلعان.
قازاقستان 4,9 بالل الىپ, 2030 جىلعا قاراي جاڭارتىلاتىن ەنەرگيا كوزدەرىنەن ەلەكتر قۋاتىن ءوندىرۋ ۇلەسىن 30% جەتكىزۋ كوزدەلىپ وتىرعانى اتاپ وتىلگەن.
العاشقى بەستىككە يرلانديا, يسلانديا, دانيا, نورۆەگيا, فرانتسيا مەملەكەتتەرى جايعاسسا, سوڭعى ورىنداردا الجير, رەسەي, يران, پاراگۆاي, كاتار مەملەكەتتەرى تۇر.