بيووتىن الۋدىڭ تىڭ ءتاسىلى

عىلىمي جوبا اۆتورلارى­نىڭ ايتۋىنشا, بيووتىن­نىڭ پايداسى مەن ماڭىزى زور ءارى قورشاعان ورتاعا تيگىزەتىن ­زيانى از.– تابيعي قورلار مەن ەنەر­گەتيكالىق رەسۋرستاردىڭ سار­­قىلۋ مۇمكىندىگى پايدا بو­ل­عاننان كەيىن ادامزات ولار­دى ۇنەمدەۋگە جانە بالا­ما­­لى قۋات كوزدەرىن ويلاپ تابۋ­عا تى­رىسىپ جاتىر. سوڭ­عى جىل­دارى الەمنىڭ بىر­قاتار دا­مى­عان ەلىندە بيووتىن ءون­دىرۋ قارقىندى تۇر­دە دامىپ كەلەدى. بۇل بەكەر ەمەس. سەبەبى بيووتىن – جاڭار­تىل­عان ەنەرگيانىڭ كوزى, ەكو­لوگيا­لىق ماسەلەلەردى شە­شۋ­دىڭ ءتيىم­دى جولى. ءارى ارزان جانە قولجەتىمدى. ۋاقىت وتكەن سا­يىن دامىپ كەلە جات­قان قوعام مۇناي مەن كومىر ونىمدەرى­نەن گورى ادامعا دا, قورشاعان ورتاعا دا پايدالى وتىن ءتۇرىن قولدانعاندى ءجون كورەدى. سول سەبەپتى دە ءبىز وسى عىلىمي-زەرتتەۋ جو­با­­سىن جۇزەگە اسىرۋدى ءجون كور­دىك, – دەيدى قازاق ۇلت­تىق قىزدار پەداگوگيكالىق ۋني­ۆەرسيتەتىنىڭ ستۋدەنتتەرى.ءال-فارابي اتىنداعى قا­زاق ۇلتتىق ۋنيۆەرسيتەتىندە وتكەن ءداستۇرلى جيىندا قىز­دار ۋنيۆەرسيتەتىنىڭ جاس ىزدە­نۋشىلەر جوباسى قازىلار القاسى تاراپىنان جوعارى با­عا­لانىپ, ءۇشىنشى ورىنعا يە بولدى. – بۇگىندە جاس عالىمدار «حيميا» ماماندىعى بويىنشا ءبىلىم الادى. بۇل – ولار­دىڭ عىلىم جولىنداعى العاش­قى جەتىستىگى. ستۋدەنتتەر تىڭ جو­­بانى الداعى ۋاقىت­تا جا­را­­تىلىستانۋ فاكۋلتە­تى­نىڭ بازاسىنداعى زەرتحانادا جە­تىلدىرىپ, بولاشاقتا Start up جوبالارعا قاتىسۋدى جوس­پار­­لاپ وتىر, – دەيدى ستۋدەنت­تەر­دىڭ عىلىمي جەتەكشىسى.وسى ورايدا ايتا كەتەيىك, قورشاعان ورتاعا زيانسىز وتىن­دى ءوندىرۋشى ەلدەردىڭ سانى جىل وتكەن سايىن ارتىپ كەلەدى جانە وتىندى ءون­دىرۋ كولەمى سوڭعى ۋاقىتتا ءوسىپ وتىر. ادەتتە بيووتىن ءتۇر­لى وسىمدىكتەردەن الىنادى. ايتالىق, وسى وتىندى ەڭ كوپ وندىرەتىن برازيليا قانت قامىسىنان السا, اقش-تا ونى جۇگەرىدەن وندىرەدى. ارينە, اتالعان وتىن ءتۇرىن وندىرۋگە دەگەن قازاقستاننىڭ دا ىنتا-ىقىلاسى ەۋروپا ەلدەرىنەن كەم ەمەس. قازاقستان بيوەتانولدى ءوندىرۋ ىسىنە ەكسپورتقا باعىتتالعان تاۋار رەتىندە باسىمدىق بەرىپ وتىر. بۇدان بۇرىن ەلىمىز وندىرگەلى وتىرعان بيوەتانولدى بيدايدان الىپ كەلگەنى ايان.

الماتى