ءوڭىر قايتادان «سارى ايماققا» ءوتتى

27 ماۋسىمدا 35 تۇرعىننىڭ كو­رو­ناۆي­رۋس ينفەكتسياسىن جۇق­تىر­­عانى بەلگىلى بولدى. اۋرۋ جۇقتىر­عان­داردىڭ 28-ءى سيمپتومدى, 7-ءۋى سيمپتومسىز تۇرىنە شالدىققان. 28 ماۋسىم كۇنى ءبىر تاۋلىكتە كۆي-مەن اۋىر­عان 10 جاعداي تىركەلدى. وسىلاي­شا وڭىر­دەگى اۋرۋشاڭدىقتىڭ ءوسۋ دەڭ­گە­يى 0,1%-دى قۇ­رادى. دۇيسەنبى كۇنى پنەۆمونياعا شال­دىققان 5 ناۋقاس اۋرۋحاناعا جاتقى­زىلدى.سانيتارلىق-ەپيدەميولوگيالىق باقى­لاۋ دەپارتامەنتى باسشىسىنىڭ ورىنباسارى مۇحتار سەمباەۆتىڭ حابارلاۋىنشا, پاندەميا باستالعان­نان بەرى وبلىستا كۆي-مەن اۋىرعان 11 900 جاعداي تىركەلگەن. ونىڭ 65,2%-ى (7 766) – اۋرۋ بەلگىسى بار, ال 34,7%-ى (4 134) – سيمپتومسىز جاعداي. پاندەميا باستالعان ۋاقىت­تان وسى كەزگە دەيىن 11 372 (95,5%) ناۋقاس جازىلىپ شىقتى. تاراتىپ ايتقاندا, اقتوبە قالاسىندا ينفەكتسيا جۇقتىرعان 8 784 جاعداي تىركەلدى, ونىڭ ىشىندە 2 576-سى – سيمپتومسىز. اۋداندار بويىنشا سيمپتومدى تۇرىنە شالدىققان ناۋقاستاردىڭ سانى تومەندەگىدەي: العا اۋدانىندا – 488, ايتەكە بي اۋدانىندا – 64, بايعانين اۋدانىندا – 111, ىرعىز اۋدانىندا – 79, قوبدادا –167, قار­عالىدا – 158, مارتوكتە – 349, مۇعالجاردا – 460, تەمىردە – 396, ويىلدا – 195, حرومتاۋدا – 432, شالقار اۋدانىندا 217 ادام وسى جۇقپالى دەرتپەن اۋىرىپ شىقتى.نەگىزىنەن اۋا تامشىلارى ار­قى­لى جۇعا­تىن كوروناۆيرۋس ين­فەك­تسياسى­مەن اۋىر­عان 11 900 ناۋ­قاستىڭ جۇقتىرۋ دەڭگەيى تومەن­دەگىدەي: 1,7%-ى (204) سىرتتان اكە­لىن­­گەن, 16,8%-ى (2001) اۋرۋ اداممەن قا­رىم-قاتى­ناستا بولعاندار, 81,4%-ى ­(9695) جەر­گىلىكتى جاع­دايلار, ونىڭ ىشىندە 23,8% (2313) پروفي­لاك­تي­كالىق ماقساتتا تەكسەرىلگەن كەز­دە انىقتالعان.قازىرگى تاڭدا ءۇي كارانتينىنە 1 284 ادام الىنىپ, ولارعا مەديتسي­نا­لىق باقىلاۋ جۇرگىزىلۋدە. ەپيدە­ميا­لىق جاعدايدىڭ كۇرت وزگەرۋىنە بايلانىستى وبلىستىڭ باس سانيتار دارىگەرى قانداي كارانتيندىك شەكتەۋلەر ەنگىزەتىنى جاقىن ۋاقىتتا بەل­گىلى بولادى. ءوڭىر دارىگەرلەرى تۇرعىن­داردان مەرەكەلىك, وتباسىلىق شارالاردى ازايتىپ, بارىنشا ساقتىق ەرەجەلەرىن ساقتاۋعا شاقىرادى.

اقتوبە وبلىسى