«قىزىلدار» كوشەدە ءجۇر

بۇعان دەيىن دە بىرقاتار شىرعالاڭدى باس­تان وتكەرگەن قالانىڭ مەديتسينالىق مەكەمە­لەرى پاندەميانىڭ ءۇش كەزەڭىنە دە دايىن دەۋگە بولادى.

ء«بىز ىندەتپەن كۇرەسۋگە دايىنبىز. جۇيەنىڭ قۋاتى جەتكىلىكتى. 4 600-دەن اسا مەديتسينا قىز­مەتكەرى كوۆيدتىك اۋرۋحاناعا جۇمىسقا شىعا الادى, ءتۇرلى جاعداي كەزىندە 200-دەن اسا جەدەل مەديتسينالىق جاردەم بريگاداسى جۇمىس ىستەيدى. مىسالى, بۇگىندە ستاتسيونارلاردا 3 700 توسەك-ورىندى, قولايسىز جاعدايدا 6 مىڭ توسەك-ورىندى, وتە قولايسىز جاعدايدا 10 مىڭ توسەك-ورىندى ورنالاستىرۋعا ءازىرمىز», دەدى ن.تابىنباەۆ.

بۇدان وزگە ەگەر جاعداي ۋشىعاتىن بولسا, وندا ءموبيلدى بريگادالار سانى ەكى ەسەگە ارتادى. سونداي-اق Call-ورتالىقتارىنىڭ وپەراتورلارىنىڭ سانىن ەكى ەسەگە ارتتىرۋ جوسپارلانىپ وتىر. اۋرۋحانالار مەن ەمحانالار ءدارى-دارمەكتەرمەن جانە مەديتسينالىق تەحنيكامەن جەتكىلىكتى كولەمدە جابدىقتالعان.

اۋرۋحانالار مەن ستاتسيونارلاردىڭ شامادان تىس جۇكتەلۋىنە جول بەرمەۋ ءۇشىن باسقارما باسشىسى حالىقتى ۆاكتسينالانۋعا شاقىردى. ن.تابىنباەۆتىڭ ايتۋىنشا, بۇگىندە 428 532 ادام ەكپە الدى. 60 جاستان جوعارى ەكپە العان ادامدار 69 644 ادامدى قۇرايدى. ۆاكتسينا ناۋ­قانى جالعاسۋدا. ۆاكتسينانى قالانىڭ 208 ەكپە پۋنكتىنىڭ بىرىنەن الۋعا بولادى.

الماتى تۇرعىندارى كارانتين شارالارىن بۇزعان جاعدايدا اكىمشىلىك جاۋاپكەرشىلىككە تارتىلاتىنى بەلگىلى. بۇل تۋرالى وڭىرلىك كوم­مۋنيكاتسيالار قىزمەتىنىڭ ءباسپاسوز كونفەرەن­تسياسى بارىسىندا الماتى قالاسى ساني­تار­لىق-ەپيدەميولوگيالىق باقىلاۋ دەپار­تا­مەن­تىنىڭ باسشىسى جانداربەك بەكشين حابارلادى.

ج.بەكشيننىڭ ايتۋىنشا, Ashyq جوباسى قوسىلعالى بەرى كاسىپكەرلىك نىساندارعا كىر­گەن كەزدە سكانەرلەۋ ناتيجەسىندە «قىزىل» مار­تەبەسى بار 670 قالا تۇرعىنى انىقتالدى. ال «سارى» مارتەبەلى 178 پايدالانۋشى راستالدى. جالپى 156 «قىزىل» مارتەبە مەن 40 «سارى» مارتەبە فيتنەس ورتالىقتارى مەن باسسەين­دەردىڭ كىرەبەرىستەرىندە انىقتالدى.

قوعامدىق تاماقتانۋ نىساندارىندا 275 «قىزىل» مارتەبەسى بار, 54 «سارى» مارتەبەسى بار جانە اۋەجايعا كىرەبەرىستە 88 «قىزىل» مار­تەبەسى بار قالا تۇرعىنى انىقتالدى. سون­داي-اق 21 «سارى» مارتەبەسى بار, 70 «قىزىل» مارتەبەسى بار ادام كينوتەاترعا كىرەبەرىستە جانە 34 «سارى» مارتەبەسى بار تۇرعىندار راستالدى.

ج.بەكشيننىڭ ايتۋىنشا, Ashyq جۇيەسى ءوزىنىڭ تيىمدىلىگىن كورسەتىپ وتىر. «سىزدەر جوبانىڭ ارقاسىندا كارانتيندىك شارالاردى ساقتامايتىن ادامداردىڭ انىقتالعانىن بىلەسىزدەر. بۇل جۇيە ازاماتتار مەن قالانىڭ قاۋىپسىزدىگىنە باعىتتالعان», دەدى ول.

مىسالى, «قىزىل» مارتەبەسى بار الماتى­نىڭ 8 تۇرعىنىنا كارانتين رەجىمىن بۇزعانى ءۇشىن 30 اەك ايىپپۇل سالىندى. بۇل – 90 مىڭ كولەمدەگى تەڭگە. ءتارتىپ بۇزۋشىلار – ال­­ماتى قالاسىنىڭ الاتاۋ, المالى, بوستان­دىق, مەدەۋ مەن تۇركسىب اۋداندارىنىڭ تۇرعىندارى.

سونداي-اق الماتى قالاسىنىڭ باس ساني­تارلىق دارىگەرى ج.بەكشين كاسىپكەرلىك نىسان­دارىنىڭ جۇمىسىنا قاتىستى №19 قاۋلىنىڭ تارماقتارىن ءتۇسىندىردى.

سپيكەر الماتىنىڭ ەپيدەميالىق احۋالعا قاتىستى «قىزىل ايماققا» كىرگەنىن, سوعان بايلانىستى الەۋمەتتىك ەكونوميكالىق نىسان­دارى جۇمىستارىنا شەكتەۋ شارالارىنىڭ قا­بىلدانعانىن ەسكە سالا وتىرىپ, Ashyq جو­باسىنىڭ قاتىسۋشىلارى مەن جوباعا كىرمەيتىن الەۋمەتتىك-ەكونوميكالىق نىسانداردىڭ جۇمى­سىن شەكتەۋ كريتەريلەرىن ەسكەرتتى.

ونىڭ ايتۋىنشا, Ashyq جوباسىنىڭ قاتى­سۋ­شىلارى ەمەس مەيرامحانا, كافە مەن كوفەحانالار بويىنشا قوعامدىق تاماقتانۋ نىساندارىندا ء(ۇي-جايدا) جۇمىس كۇندەرى ساعات 7.00-دەن 20.00-گە دەيىن جۇمىس ىستەۋگە رۇقسات ەتىلگەن. سونداي-اق كەلۋشىلەر 50%-عا دەيىن, بىراق 30 ادام شاماسىندا بولۋى كەرەك. سەنبى مەن جەكسەنبى كۇندەرى قىزمەت كورسەتۋگە تىيىم سالىندى, تەك الىپ شىعۋ مەن جەتكىزۋگە رۇقسات ەتىلدى. جازعى الاڭداردا 50%-عا دەيىن تولتىرىلعان كەزدە ساعات 7.00-دەن 22.00-گە دەيىن 50 ادام شاماسىندا جۇمىس ىستەۋگە رۇق­سات ەتىلدى. فۋدكورتتارعا جۇمىس ىستەۋگە تىيىم سالىنادى, الايدا Ashyq جوباسىنا قاتىسقان جاعدايدا ساعات 10.00-دەن 22.00-گە دەيىن جۇمىس ىستەۋگە رۇقسات ەتىلەدى.

مونشالار سەنبى مەن جەكسەنبىدەن باسقا كۇن­دەرى جۇمىس ىستەۋگە رۇقسات ەتىلەدى, بىراق ەگەر بۇل نىسان Ashyq قاتىسۋشىسى بولسا, كۇن سايىن جۇمىس ىستەي الادى. سول سياقتى سپورت كەشەندەرىنە, سپورتتىق-ساۋىقتىرۋ ورتا­لىق­تارىنا, فيتنەس-ورتالىقتارى مەن يوگا-ورتا­لىقتارى Ashyq جوباسىنا كىرمەيتىن بولسا, سەنبى مەن جەكسەنبىدەن باسقا كۇندەرى جۇمىس ىستەۋگە رۇقسات ەتىلەدى. قاتىسۋشىلار شەكتەۋسىز جۇمىس ىستەيدى. ەگەر ولار جوباعا قاتىسۋشىلار بولماسا, كاراوكە مەكەمەلەرىنىڭ جۇمىسىنا تىيىم سالىنادى.

ج.بەكشين قاناتقاقتى جوباعا قاتىسۋشى­لاردى كەلۋشىلەردىڭ QR-كودتى سكانەرلەۋ ەرەجەلەرىن قاتاڭ ساقتاۋعا شاقىردى. ءتارتىپ بۇزىلعان جاعدايدا بۇل نىساندار جوبادان شىعارىلادى.