اتىراۋدا زەينەتكەردى توناعان كۇدىكتى قاماۋعا الىندى

وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا سۇيەنسەك, 25 ماۋسىمدا ساعات 10:30 شاماسىندا 89 جاستاعى اجەيگە ءۇيىنىڭ الدىندا بەلگىسىز بىرەۋ شابۋىل جاساعان.  

«زەينەتكەردىڭ وڭ جاق قۇلاعىنان التىن سىرعاسىن ج ۇلىپ الىپ, وقيعا ورنىنان بوي تاسالاپ, قاشىپ كەتكەن. بەيتانىس ادامنان ءجابىر كورگەن زەينەتكەر اتىراۋ قالالىق پوليتسيا باسقارماسىنا ارىزداندى. جابىرلەنۋشىگە شابۋىل جاساعان كۇدىكتى شامامەن 25-30 جاس ارالىعىنداعى ەر ادام بولعان. زەينەتكەرگە كەلتىرىلگەن شىعىن كولەمى 75 مىڭ تەڭگەنى قۇرادى», دەپ حابارلادى دەپارتامەنتتىڭ ءباسپاسوز قىزمەتى.

پوليتسيا قىزمەتكەرلەرى جەدەل ىزدەستىرۋ ءىس-شاراسىن جۇرگىزىپ, كۇدىككە ىلىنگەن 31 جاستاعى ەر ادامدى ۇستادى. تەرگەۋ كەزىندە كۇدىكتىنىڭ «ولجاسىن» قالاداعى «لومبارد» مەكەمەسىنە تاپسىرعانى انىقتالعان.

قازىر كۇدىكتىگە قاتىستى قر قىلمىستىق كودەكسىنىڭ 191-بابىنىڭ 1-بولىگىمەن  (توناۋ) تەرگەۋ باستالدى. ال, ۇستالعان كۇدىكتى ۋاقىتشا ۇستاۋ يزولياتورىنا قامالدى.