وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنەن ءمالىم ەتكەندەي, سوڭعى كۇندەرى جەدەل جاردەمدى شاقىرتۋ ورتاشا ەسەپپەن 25-30 پايىزعا كوبەيگەن, دەپ حابارلايدى Egemen.kz.
«بۇعان دەيىن 103 قىزمەتىنە تاۋلىگىنە ورتاشا ەسەپپەن 750-800 شاقىرتۋ كەلىپ تۇسكەن. ال, قازىر شاقىرتۋ سانى 950-گە دەيىن ءوستى. دەمالىس كۇندەرى وبلىس تۇرعىندارىنان تۇسكەن قوڭىراۋ سانى 1100-گە جەتكەن. جەدەل جاردەمگە ارتەريالىق گيپەرتونياسى, سونداي-اق, ينسۋلتتان كەيىنگى اسقىنۋى بار تۇرعىندار كوپ شاعىمدانۋدا», دەپ حابارلادى باسقارمانىڭ ءباسپاسوز قىزمەتى.
سونداي-اق, جەدەل رەسپيراتورلىق اۋرۋدىڭ تارالۋى ارتقانى بايقالادى. دارىگەرلەر مۇنى بولمە تەمپەراتۋراسىنىڭ وزگەرۋىمەن, سالقىن سۋدى ىشۋمەن بايلانىستىرىپ وتىر.