بىرىككەن ۇلتتار ۇيىمى كيبەرقاۋىپسىزدىك جاھاندىق يندەكسى دەڭگەيى بويىنشا 9 ساتىعا كوتەرىلىپ, 31 ورىنعا ورنالاستى (بۇعان دەيىن - 40 ورىندا بولعان), دەپ حابارلايدى Egemen.kz.
بۇل تۋرالى بۇۇ جانىنداعى حالىقارالىق ەلەكتر بايلانىسى وداعىنىڭ (حەبو) 29 ماۋسىمدا وتكەن كونفەرەنتسياسىندا كيبەرقاۋىپسىزدىكتىڭ جاھاندىق يندەكسى تۋرالى 4-ءشى باسىلىم ەسەبىندە جاريالاندى.
تمد ايماعى بويىنشا قازاقستان 2-ءشى ورىندا, ءبىرىنشى ورىندا – رەسەي فەدەراتسياسى.
رەيتينگ جاساۋ كەزىندە مەملەكەتتىڭ زاڭنامالىق بازاسى, تەحنيكالىق جانە ۇيىمداستىرۋ ءىس-شارالارى, حالىقارالىق ارەناداعى قىزمەتى مەن اقپاراتتىق قاۋىپسىزدىك سالاسىن دامىتۋعا باعىتتالعان الەۋەتى نەگىزگە الىنادى.
ەلىمىزدىڭ «قازاقستان كيبەرقالقانى» جانە «تسيفرلىق قازاقستان» سياقتى ستراتەگيالىق باعدارلامالارىندا حەبو-نىڭ كيبەرقاۋىپسىزدىك جاھاندىق يندەكسى اقپاراتتىق قاۋىپسىزدىك بويىنشا باستى ينديكاتور بولىپ ەسەپتەلەدى.
قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى حەبو ۇجىمىنا ءوزارا ءتيىمدى سەرىكتەستىك جانە كيبەرقاۋىپسىزدىكتى دامىتۋ ماسەلەلەرى بويىنشا قولداۋ كورسەتكەنى ءۇشىن العىس ايتادى.