ونىڭ ايتۋىنشا, امبۋلاتوريالىق دەڭگەيدە 3 750 پاتسيەنت باقىلانۋدا, كۆي اۋىر اعىمىنىڭ جوعارى قاۋپى بار 60 جاستان اسقان پاتسيەنتتەر ەرەكشە نازاردا.
«5 ايدىڭ ىشىندە امبۋلاتوريالىق كەزەڭدە 30 مىڭنان استام پاتسيەنت ەمدەلدى, بۇل بۇگىنگى كۇنگە دەيىن ينفەكتسيالىق ستاتسيونارلاردىڭ جۇكتەمەسىن اسا جوعارى دەڭگەيدە ۇستاپ تۇرۋعا مۇمكىندىك بەردى. سونداي-اق ءبىز كوروناۆيرۋستىق ينفەكتسيانىڭ «جاسارعانىن» بايقادىق. 5 اي مەن ماۋسىمنىڭ 25 كۇنىندەگى سىرقاتتانۋشىلىقتى تالداعاننان كەيىن, ساۋىرمەن سالىستىرعاندا الدەقايدا جاس ادامدار اۋرۋحاناعا جاتقىزىلا باستاعانىن كورەمىز. 30-40 جاستاعى پاتسيەنتتەر ستاتسيونارلارعا ءجيى جاتقىزىلا باستادى. ءساۋىر ايىمەن سالىستىرعاندا, رەانيماتسياعا جاتقىزىلعان اۋىر جاعدايداعى ناۋقاستار 10 جاسقا كىشى جاستاعى ازاماتتار. جۇكتەمە 65% - عا دەيىن ءوستى. قايتىس بولىپ جاتقاندار دا جاس. قورىتىندىلاي كەلە, قازىرگى ۋاقىتتا كۆي كلينيكالىق اعىمىندا وزگەرىستەر بار دەپ ايتا الامىز. كەيدە پاتسيەنتتەر كت ناتيجەسىندە وكپەنىڭ 5-10% زاقىمدانۋىمەن تۇسسە, 3-4 كۇننەن كەيىن, جۇرگىزىلگەن ەمگە قاراماستان, وكپەنىڭ زاقىمدانۋى 60-70%-عا جەتەدى. وكپە زاقىمدانۋىنان باسقا, مي, جۇرەك, بۇيرەك, اسقازان-ىشەك جولدارىنىڭ, بۋىنداردىڭ, جۇيكە جۇيەسىنىڭ زاقىمدانۋى سياقتى وكپەلىك ەمەس سيندرومدار دا بار», دەدى دارىگەر.