الەۋمەتتىك جەلىلەردى مونيتورينگىلەۋ كەزىندە پاۆلودارلىق پاراقشالاردىڭ بىرىندە جاريالانعان ۆيدەو بويىنشا تەكسەرۋ جۇرگىزىلدى, دەپ حابارلايدى Egemen.kz رavlodarnews.kz سايتىنا سىلتەمە جاساپ.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتى بويىنشا, پوليتسيا قىزمەتكەرلەرى 26 ماۋسىم كۇنى ساعات 05.40-تا پاۆلودار اۋدانىنىڭ پوليتسياسىنا زاريا اۋىلىنىڭ جانىندا اۆتوتۇراقتا «Mersedes Benz» اۆتوكولىگىنىڭ جۇرگىزۋشىسى مەن جولاۋشىسى ماس كۇيدە بولا تۇرا جۇك كولىگىنىڭ دەمالىپ وتىرعان جۇرگىزۋشىسىنە ادامدىق قادىر-قاسيەتىن قورلايتىن بالاعات سوزدەر ايتقاندىعى تۋرالى حابارلاما تۇسكەنىن انىقتادى.
– اتالعان فاكتى بويىنشا 1988 جىلى تۋعان جۇرگىزۋشى مەن 2000 جىلى تۋعان جولاۋشىعا قاتىستى قر اقبك 434-بابى بويىنشا اكىمشىلىك ءىس قوزعالدى, ماتەريالدار سوتقا جولداندى. سونداي-اق, جۇرگىزۋشىگە قاتىستى قر اقبتك-ءنىڭ 608-بابى 1-بولىگى بويىنشا اكىمشىلىك ماتەريال تولتىرىلدى. سوت شەشىمىمەن جۇرگىزۋشى 15 تاۋلىك مەرزىمگە اكىمشىلىك قاماۋعا الىنىپ, جۇرگىزۋشى كۋالىگىنەن 7 جىل مەرزىمگە ايىرىلدى, - دەدى دەپارتامەنتتەگىلەر.
«Mersedes Benz» اۆتوكولىگى ايىپ تۇراعىنا قويىلدى.