بالىق شارۋاشىلىعى سۋ ايدىندارىن تاۋارلىق بالىق شارۋاشىلىعىن جۇرگىزۋ ءۇشىن كاسىپشىلىك سۋ ايدىندارىنان اۋىستىرۋ قاعيدالارى بەكىتىلدى. سونداي-اق زاڭنامالىق دەڭگەيدە پايدالانۋشىنىڭ تور شارۋاشىلىعىن جۇرگىزۋ ءۇشىن كاسىپشىلىك بالىق شارۋاشىلىعى ۋچاسكەسىن پايدالانۋ قۇقىعى كوزدەلگەن. بۇل تۋرالى ورتالىق كوممۋنيكاتسيالار قىزمەتى الاڭىندا وتكەن بريفينگتە ەكولوگيا, گەولوگيا جانە تابيعي رەسۋرستار مينيسترلىگى بالىق شارۋاشىلىعى كوميتەتىنىڭ توراعاسى ناريمان ءجۇنىسوۆ مالىمدەدى, دەپ حابارلايدى Egemen.kz.
ونىڭ ايتۋىنشا, بالىق شارۋاشىلىعىن جۇرگىزۋگە ارنالعان ۇلگى شارت بەكىتىلدى جانە وسى شارتتى جاساسۋدىڭ ناقتى مەرزىمى – 49 جىل بولىپ بەلگىلەندى.
«بۇرىن كەلىسىم شارت جاساسۋ مەرزىمى 5 جىلدان 49 جىلعا دەيىن بولاتىن. بۇل بەلگىسىزدىك بيزنەسكە بولاشاققا سەنىمدىلىك بەرمەدى جانە ينۆەستيتسيا تارتۋدى تەجەدى. سونداي-اق بالىق شارۋاشىلىعىن دامىتۋ جوسپارلارى شەڭبەرىندە بالىق وسىرۋشىلەرگە قويىلاتىن ارتىق تالاپتار الىنىپ تاستالدى. بۇگىنگى تاڭدا بالىق وسىرۋشىلەرگە قويىلاتىن جالعىز تالاپ: جىل سايىن بەلگىلى ءبىر بيولوگيالىق نەگىزگە سايكەس بالىقتىڭ بەلگىلەنگەن كولەمىن ءوسىرۋ. سونىمەن قاتار بالىق ءوسىرۋ شارۋاشىلىقتارىن سۋ قورعاۋ بەلدەۋىنە ورنالاستىرۋ بويىنشا شەكتەۋلەر الىنىپ تاستالدى. بالىق ءوسىرۋ توعاندارى مەن باسسەيندەرىن سالۋ كەزىندە جوبالاۋ-سمەتالىق قۇجاتتامانى ازىرلەۋ جانە مەملەكەتتىك ساراپتامانىڭ قورىتىندىسىن الۋ جونىندەگى تالاپتار الىنىپ تاستالدى. بيزنەس اۋىل شارۋاشىلىعى ماقساتىنداعى جەرلەردە بالىق ءوسىرۋ شارۋاشىلىقتارىن سالۋ كەزىندەگى شىعىنداردى وتەۋدەن بوساتىلدى. تاعى ايت كەتەرلىگى قولدانىستاعى مەملەكەتتىك قولداۋ شارالارىمەن قاتار, جەم-ءشوپ قۇنىنىڭ 30%-ىن سۋبسيديالاۋ جانە بالىق ءوسىرۋ شارۋاشىلىقتارىنا ارنالعان تەحنيكا مەن جابدىقتار ساتىپ الۋعا ينۆەستيتسيالىق سالىمدار كەزىندە شىعىستاردىڭ 25%-ىن وتەۋ», دەدى ۆەدومستۆو وكىلى.
بۇل شارالارعا سونداي-اق بالىق ءوسىرۋ - بيولوگيالىق نەگىزدەمەلەر قۇنىنىڭ 50%-ىنا دەيىن سۋبسيديالاۋدىڭ جاڭا تۇرلەرى; بالىق ءوسىرۋ ماتەريالىن; دارىلىك پرەپاراتتاردى ساتىپ الۋ; سونداي-اق باعالى بالىق تۇرلەرىن رەتكە كەلتىرۋ-انالىقتتارىن ساتىپ الۋعا جانە كۇتىپ-ۇستاۋعا ارنالعان شىعىندار قوسىلدى.
«قازاقستاندا بالىق شارۋاشىلىعىن جۇرگىزۋ ءۇشىن بارىنشا ءتيىمدى جاعدايلار پىسىقتالىپ جاتىر, سوندىقتان بالىق شارۋاشىلىعى سۋبەكتىلەرىن, ينۆەستورلاردى جانە بالىق وسىرۋمەن اينالىسۋعا نيەت بىلدىرگەن بارلىق بيزنەسمەندەردى بالىق وسىرۋمەن اينالىسۋعا شاقىرامىز», دەدى كوميتەت باسشىسى.
بارلىق ماسەلەلەر بويىنشا مۇددەلى تۇلعالار كوميتەتكە جانە ونىڭ اۋماقتىق بولىمشەلەرىنە جۇگىنە الادى. كوورديناتتارى مەن بايلانىس دەرەكتەرى كوميتەتتىڭ سايتىندا ورنالاستىرىلعان.