كوروناۆيرۋس ينفەكتسياسىمەن كۇرەس ەكىنشى جىلعا سوزىلىپ بارادى. جىل باسىنان بەرى وسىناۋ كۇرەس ۆاكتسينالاۋمەن كۇشەيدى. بۇل – ۇجىمدىق يممۋنيتەتتى دامىتۋدىڭ جانە ءومىردىڭ بۇرىنعى جاعدايىنا ورالۋدىڭ جالعىز, ءتيىمدى ءادىسى.
وسى رەتتە ەلوردادا «ۆاكتسينا ال – ماشينا ۇتىپ ال» اكتسياسى باستالدى. 23 ماۋسىم مەن 31 تامىز ارالىعىندا «Mega Silk Way» سوو-دا سovid-19 ۆاكتسيناسىنىڭ ءبىرىنشى كومپونەنتىن الاتىن قازاقستاندىقتار «استانا موتورس» كومپانياسىنان Hyundai Accent اۆتوكولىگىن ۇتىپ الا الادى. اكتسيانىڭ باس سەرىكتەسى – «استانا موتورس» قمك. فينالدىق ۇتىس ويىنىن 5 قىركۇيەكتە «Mega Silk Way» سوو Instagram ارقىلى تىكەلەي ەفيردە وتكىزەدى. سونىمەن قاتار اپتا سايىن تۇرمىستىق تەحنيكا, ءتۇرلى سەرتيفيكاتتار جانە تاعى باسقا دا سىيلىقتار ويناتىلادى.اكتسيانىڭ ماقساتى قازاقستاندا ۆاكتسينالاۋ قارقىنىن ارتتىرۋ ەكەنى تۇسىنىكتى. مۇنداي اكتسيالار ءتۇرلى ەلدەردە ءساتتى ءوتىپ جاتىر. جاقىندا پولشا, تايلاند, اقش, رەسەي, موڭعوليا, سەربيا, يندونەزيا, قىتاي, ۆەنگريا, يزرايل ەلدەرىنىڭ ۇكىمەتتەرى ۆاكتسينالانعاندار اراسىندا اۆتوكولىك ۇتىس ويىنىن وتكىزۋدى قولعا العان ەدى.«ۆاكتسينا ال – ماشينا ۇتىپ ال» اكتسياسى تۋرالى تولىق اقپاراتتى mega.kz سايتىنان جانە MEGA-نىڭ الەۋمەتتىك جەلىلەردەگى رەسمي اككاۋنتتارىنان الۋعا بولادى.سونىمەن قاتار نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا ۆاكتسينا سالدىرعاندار اراسىندا پاتەر ۇتىسى ويناتىلاتىنىن مالىمدەدى.«كوروناۆيرۋستىڭ تارالۋىن بولدىرماۋ جانە ۆاكتسينالاۋ جۇرگىزۋ بويىنشا شتاب وتىرىسىن وتكىزدىم. ورىنباسارلارىما, باسقارما باسشىلارىنا جانە اۋدان اكىمدەرىنە جەتەكشىلىك ەتەتىن سالالاردا ۆاكتسينالاۋدىڭ ماڭىزدىلىعى مەن قاجەتتىلىگىن جوعارى دەڭگەيدە ءتۇسىندىرۋ ءۇشىن جەكەلەگەن جاۋاپ-كەرشىلىك جۇكتەلدى. ۇجىمدىق يممۋنيتەتتى قالىپتاستىرۋ ءۇشىن قالا حالقىنىڭ 60%-دان استامى ۆاكتسينالانۋى قاجەت. سانيتارلىق دارىگەرلەر قوسىمشا كارانتين شەكتەۋلەرى تۋرالى جاڭا قاۋلى دايىنداۋدا: قاۋىپ-قاتەر توبى ءۇشىن ۆاكتسينا الۋ مىندەتتى, ۆاكتسينالانباعان قىزمەتكەرلەردى قاشىقتان جۇمىس ىستەۋ رەجىمىنە كوشىرۋ سياقتى تالاپ قويىلادى. قالا تۇرعىندارىن ىنتالاندىرۋ ءۇشىن باعالى سىيلىقتاردىڭ ۇتىس ويىنىن ەنگىزىپ جاتىرمىز. ال جاڭادان ۆاكتسينالانعاندار اراسىندا ينۆەستورلار ەسەبىنەن ەكى بولمەلى پاتەر ويناتپاقپىز. ۇتىس ويىنىنا قالا ەمحانالارىندا نەمەسە ساۋدا-ويىن-ساۋىق ورتالىقتارىندا ەكپە العان قالا تۇرعىندارىنىڭ ءبارى قاتىسا الادى. ال پاتەر ۇتىسىنىڭ ويىنىنا وسى جىلدىڭ 25 ماۋسىمى مەن 31 تامىزى ارالىعىندا ۆاكتسينانىڭ ءبىرىنشى كومپونەنتىن الاتىن 18 جاستان اسقان قالا تۇرعىندارى قاتىسا الادى. قىركۇيەك ايىنىڭ باسىندا ناتيجەسىن جاريالايمىز. كونكۋرستىڭ ءادىل ءوتۋى جانە ۆاكتسينالانعانداردى تولىعىمەن قامتۋ ءۇشىن IT-قوعامداستىقتى جۇمىلدىرامىز», دەپ جازدى ەلوردا اكىمى.