تاراز قالاسى اكىمدىگىنە قاراستى مەكەمە 6 قىزمەتكەرگە زاڭسىز جالاقى تولەپ كەلگەن. قىلمىستىق ءىس قوزعالدى, دەپ حابارلايدى Egemen.kz قر قارجى مينيسترلىگى ىشكى مەملەكەتتىك اۋديت كوميتەتىنە سىلتەمە جاساپ.
جامبىل وبلىسى بويىنشا ىشكى مەملەكەتتىك اۋديت دەپارتامەنتى 2021 جىلدىڭ ءساۋىر ايىندا قر سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتىنەن تۇسكەن ارىزىنا سايكەس, «تاراز قالاسى اكىمدىگىنىڭ تۇرعىن جاي-كوممۋنالدىق شارۋاشىلىق, جولاۋشى كولىگى جانە اۆتوموبيل جولدارى ءبولىمىنىڭ «جامبىل-سۋ» شارۋاشىلىق جۇرگىزۋ قۇقىعىنداعى مەملەكەتتىك كوممۋنالدىق كاسىپورنىندا جالاقىنى ەسەپتەۋ مەن تولەۋدىڭ زاڭدىلىعىنا جوسپاردان تىس تەكسەرۋ جۇرگىزىلدى. ناتيجەسىندە 2020 جىلدىڭ تامىزىنان باستاپ 2021 جىلدىڭ اقپانىنا دەيىنگى ارالىقتا جۇمىسقا زاڭسىز قابىلدانعان جانە ءوز قىزمەتتىك مىندەتتەرىن ورىنداماعان كاسىپورىننىڭ 6 جۇمىسشىسىنا كولەمى 6 718,9 مىڭ تەڭگەگە جالاقى زاڭسىز ەسەپتەلىپ, تولەنگەنى انىقتالدى. ولار ءۇشىن اي سايىن جالاقىنى پەرسونالدى باسقارۋ ءبولىمىنىڭ ماماندارى, بۋحگالتەرى جانە كاسىپورىننىڭ باس ەكونوميسى الىپ كەلگەن», دەلىنگەن اقپاراتتا.
«جۇرگىزىلگەن اۋديت ماتەريالدارى سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتىنە جىبەرىلدى. 2021 جىلعى 29 ءساۋىر ايىندا اتالعان دەپارتامەنت تاراپىنان قىلمىستىق ءىس قوزعالدى», دەدى جامبىل وبلىسى بويىنشا ىشكى مەملەكەتتىك اۋديت دەپارتامەنتىنىڭ باسشىسى ا.دۇيسەنباەۆ.