وزبەكستان استاناسى ەپيدەميولوگيالىق جاعدايدىڭ ۋشىعۋىنا بايلانىستى ەكى اپتالىق كارانتينگە جابىلادى. مۇنداي شەشىمدى كوروناۆيرۋسقا قارسى ءىس-قيمىل جونىندەگى ارنايى رەسپۋبليكالىق كوميسسيا قابىلدادى, دەپ حابارلايدى Egemen.kz.
«28 ماۋسىمنان باستاپ 12 شىلدەگە دەيىن تاشكەنتكە كورشى وبلىستاردان اۆتوكولىك قۇرالدارىمەن (اۆتوموبيلدەر مەن اۆتوبۋستار) كىرۋگە شەكتەۋ قويىلادى. 28 ماۋسىمنان باستاپ بۇكىل ەل بويىنشا بارلىق ويىن-ساۋىق نىساندارى (مەيرامحانالار, تۇنگى كلۋبتار, كاراوكە, بيليارد جانە كومپيۋتەر زالدارى, قوعامدىق تاماقتانۋ ورىندارى-كافەلەر, اسحانالار مەن شايحانالار) كەستە بويىنشا 8:00-دەن 20:00-گە دەيىن جۇمىس ىستەيدى. ال وسى مەكەمەلەرگە كەلۋشىلەر سانى جالپى كولەمنىڭ 50%-نان اسپاۋى ءتيىس», دەلىنگەن وزبەكستان رەسپۋبليكاسىنىڭ دەنساۋلىق ساقتاۋ مينيسترلىگىنىڭ حابارلاماسىندا.