نۇر-سۇلتاندا مەملەكەتتىك ورگانداردىڭ, ۇلتتىق كومپانيالاردىڭ, كاسىپورىنداردىڭ اكىمشىلىك پەرسونالىنىڭ كەمىندە 80%-ى قاشىقتان جۇمىس تۇرىنە كوشىرىلەدى, دەپ حابارلايدى Egemen.kz.
جاڭا ەرەجە نۇر-سۇلتان قالاسىنىڭ باس مەملەكەتتىك سانيتاريالىق دارىگەرى سارحات بەيسەنوۆانىڭ جاڭا قاۋلىسىندا جازىلعان.
«وندىرىستىك قاجەتتىلىككە بايلانىستى, مەنشىك نىسانىنا قاراماستان, مەملەكەتتىك ورگانداردىڭ (ۇيىمداردىڭ), ۇلتتىق كومپانيالاردىڭ, كاسىپورىنداردىڭ اكىمشىلىك پەرسونالىنىڭ كەمىندە 80%-ىن قاشىقتان جۇمىس تۇرىنە كوشىرۋ. قىزمەتكەرلەردى COVID-19-عا قارسى ۆاكتسيناتسيالاۋ جۇرگىزىلگەن جاعدايدا قىزمەت قاشىقتىقتان جانە كۇندىزگى جۇمىس فورماتىندا جۇمىس ىستەيتىن قىزمەتكەرلەردىڭ پايىزدىق اراقاتىناسى بويىنشا تالاپتاردى ەسكەرۋسىز جۇزەگە اسىرىلادى», دەلىنگەن قاۋلىدا.
كەيىنگى 3-6 اي ىشىندە COVID-19-عا قارسى ۆاكتسيناتسيالاۋدىڭ تولىق كۋرسىن العان جانە COVID-19-بەن اۋىرىپ جازىلعان بارلىق قىزمەتكەرلەردىڭ كۇندىزگى رەجيمدە جۇمىس ىستەۋىنە رۇقسات بەرىلەدى.
ايتا كەتەيىك, نۇر-سۇلتاندا 27 ماۋسىمنان باستاپ كارانتين كۇشەيتىلمەك.