بۇگىن, 23 ماۋسىمدا تاۋەلسىز قازاقستاننىڭ زاڭنامالىق بازاسىنىڭ قالىپتاسۋى مەن دامۋىنا زور ۇلەس قوسقان بەلگىلى مەملەكەت قايراتكەرى قۋانىش ماحمۇت ۇلى الپىسبەكوۆ 77 جاسقا قاراعان شاعىندا دۇنيەدەن ءوتتى, دەپ حابارلايدى Egemen.kz پارلامەنت ءماجىلىسىنىڭ ءباسپاسوز قىزمەتىنە سىلتەمە جاساپ.
ءماجىلىس توراعاسى نۇرلان نىعماتۋلين مارقۇمنىڭ وتباسى مەن جاقىندارىنا كوڭىل ايتتى.
ء«ماجىلىس دەپۋتاتتارىنىڭ اتىنان جانە جەكە ءوز اتىمنان ورنى تولماس قازاعا بايلانىستى مارقۇمنىڭ وتباسىنا, تۋعان-تۋىستارىنا جانە جاقىندارىنا كوڭىل ايتامىن. II سايلانعان پارلامەنت ءماجىلىسىنىڭ دەپۋتاتى رەتىندە قۋانىش ماحمۇت ۇلى الپىسبەكوۆ وتاندىق زاڭنامالىق بازانى جەتىلدىرۋگە سۇبەلى ۇلەس قوستى», دەدى نۇرلان نىعماتۋلين.
سونىمەن قاتار ءماجىلىس سپيكەرى قۋانىش الپىسبەكوۆتىڭ كوكپ وك-دە, كەيىنىرەك كولىك مينيسترلىگىندە, اقمولا وبلىسىنىڭ باسشىلىعىندا, سونداي-اق قر پرەمەر-ءمينيسترىنىڭ كەڭسەسىندە جاۋاپتى مەملەكەتتىك لاۋازىمداردا جۇمىس ىستەگەن جىلدارداعى جوعارى كاسىبيلىگىنە توقتالدى.
«كورنەكتى مەملەكەت قايراتكەرى, كەرەمەت تۇلعا جانە سەنىمدى دوس قۋانىش ماحمۇت ۇلى تۋرالى جارقىن ەستەلىك ادامداردىڭ جۇرەگىندە ماڭگى ساقتالادى», دەپ اتاپ ءوتتى ءماجىلىس سپيكەرى.