جەكەمەنشىك مەديتسينالىق ۇيىمدار ۆاكتسيناتسيالاۋ ىسىنە قالاي ارالاسادى؟

ءۇندى شتامى بۇرىنعىلاردان 2 ەسە قاۋىپتى ەكەنىن ەسكەرە وتىرىپ, قالالىق شتاب حالىقتى ۆاكتسينالاۋ جۇمىستارى كۇشەيتەتىن بولادى.

ەرجان باباقۇماروۆ الماتىدا جۇقتىرۋدىڭ جاڭا تولقىنىن بولدىرماۋ ءۇشىن ۇجىمدىق يممۋنيتەتتىڭ قالىپتاستىرۋدى جەدەلدەتۋگە نازار اۋداردى

«باستى ماقسات – قالا تۇرعىندارىنىڭ دەنساۋلىعى مەن ەكونوميكانىڭ جۇمىس ىستەۋىنىڭ جالعىز قورعانى بولىپ تابىلاتىن ۆاكتسينا جۇرگىزۋدى جەدەلدەتۋ. بۇگىندە حالىقتىڭ 30%-دا ۇجىمدىق يممۋنيتەت قالىپتاسقان, الداعى مىندەت – 70-75% قامتۋ. ۆاكتسينالاۋ قارقىنىن تومەندەتۋگە بولمايدى; بۇل COVID-19 جاپپاي جۇعۋىنىڭ الدىن الۋعا جانە الماتىلىقتاردىڭ ءومىرى مەن دەنساۋلىعىن قورعاۋعا مۇمكىندىك بەرەدى», دەدى قالا اكىمىنىڭ ورىنباسارى.

ايتا كەتەرلىگى, «حالىقتىڭ دەنساۋلىعى مەن دەنساۋلىق ساقتاۋ جۇيەسى تۋرالى» قر كودەكسىنە سايكەس, مەديتسينالىق كومەك كورسەتەتىن دەنساۋلىق ساقتاۋ سۋبەكتىلەرى وزگەلەرگە قاۋىپ توندىرەتىن اۋرۋلاردىڭ الدىن الۋ بويىنشا ءىس-شارالار وتكىزۋگە مىندەتتى. ۆاكتسينا ينفەكتسيانىڭ الدىن الۋ مەن ورشىتپەۋدىڭ ءتيىمدى قۇرالى. ۇجىمدىق يممۋنيتەت ءوز كەزەگىندە مەديتسينالىق قارسى كورسەتكىشتەرى بار ەكپە الماعان ادامداردى, بالالاردى, جۇكتى ايەلدەردى حالىقتىڭ ينفەكتسيالارعا قارسى پروفيلاكتيكالىق ەكپەلەرمەن قامتۋدىڭ شەكتى دەڭگەيىنە جەتۋ ارقىلى قورعايدى.

ەسكە سالا كەتەيىك, الماتىدا 23 ماۋسىمداعى جاعداي بويىنشا بارلىعى 386 مىڭنان استام ادام, ال تاۋلىك ىشىندە 5 840 ادام ەكپە الدى. قالادا مەديتسينالىق ۇيىمداردا, مەكتەپتەردە, مادەنيەت, سپورت نىساندارىندا, بازار مەن قالانىڭ سوسو-دا 211 ۆاكتسينا پۋنكتى جۇمىس ىستەيدى. 1 257 ادامنان قۇرالعان 304 ەكپە بريگاداسى جۇمىلدىرىلعان. بۇگىندە قالادا قولدا بار ۆاكتسيانىڭ قالدىعى مىناداي: ءبىرىنشى كومپونەنتىنىڭ 72 328 دوزاسى, ەكىنشى كومپونەنتتىڭ 99 473 دوزاسى.

الماتى