شقو تۇرعىنى WhatsApp-تا اپكەسىن قورلاعانى ءۇشىن جازالاندى, دەپ حابارلايدى Egemen.kz Polisia.kz سايتىنا سىلتەمە جاساپ.
شقو تۇرعىنى اپكەسىنىڭ WhatsApp قوسىمشاسىنا بالاعات سوزدەرمەن اۋديوجازبا جازىپ, اپكەسى مەن ونىڭ كۇيەۋىن قورلاعانى ءۇشىن ول 80 ساعاتتىق قوعامدىق جۇمىسقا تارتىلدى. 2020 جىلدىڭ كۇزىندە شقو تۇرعىنى اپكەسىمەن جانە ونىڭ كۇيەۋىنە ادەپسىز قارىم-قاتىناس كورسەتكەن. جابىرلەنۋشى جازبانى ساقتاپ, ونى سوتقا بەرگەن.
اپكەلەر اراسىندا اناسىنىڭ مۇراسىنا بايلانىستى جانجال شىققان. سوت ايەلدى قۇقىق بۇزۋشىلىق جاساعانى ءۇشىن كىنالى دەپ تاۋىپ, 80 ساعاتقا قوعامدىق جۇمىسقا تاعايىندادى.
– سوتتالعان پروباتسيا قىزمەتىندە ەسەپكە قويىلىپ, قوعامدىق جۇمىستاردى ورىنداۋ ءۇشىن جەرگىلىكتى ورگانعا جىبەرىلدى. سونداي-اق پروباتسيا قىزمەتىنىڭ ينسپەكتورلارى الەۋمەتتىك-قۇقىقتىق كومەك كورسەتۋ جانە ودان ءارى جۇمىسقا ورنالاستىرۋ تۋرالى ماسەلەنى قاراستىرۋدا, – دەدى پروباتسيا قىزمەتىنىڭ باستىعى الماس بۇيراتوۆ.