قىزىلوردا وبلىسى قارماقشى اۋدانىندا سەگىز جاسار ۇل بالا سۋعا باتىپ كەتتى, دەپ حابارلايدى Egemen.kz.
وقيعا 20 ماۋسىمدا ساعات 16.30 شاماسىندا بولعان. اۋداننىڭ تەمىرجول كوپىرىنە جاقىن بولىگىندەگى قاراوزەك كانالىنداعى سۋعا تۇسۋگە رۇقسات ەتىلمەگەن اۋماعىندا 2013 جىلى دۇنيەگە كەلگەن ۇل بالا سۋعا باتىپ كەتتى.
بالانىڭ قاسىندا كامەلەت جاسىنا تولماعان تاعى 6 ءجاسوسپىرىم بولعان. ولار ەرەسەك ادامداردىڭ باقىلاۋىنسىز قالعان.
«قازىر سۋعا باتىپ كەتكەن بالانىڭ دەنەسىن ىزدەستىرۋ جۇمىستارى جۇرگىزىلۋدە. وعان وبلىستىق توتەنشە جاعدايلار دەپارتامەنتىنەن 6 قۇتقارۋشى, 1 تەحنيكا قاتىسۋدا», دەپ مالىمدەدى وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق قۇتقارۋ جۇمىستارى قىزمەتىنەن.