رەسەي بيلىگى 22 ماۋسىمنان باستاپ تۇركيامەن رەيستەردى قالپىنا كەلتىرۋگە شەشىم قابىلدادى. بۇل تۋرالى رەسەي فەدەراتسياسى پرەمەر-ءمينيسترىنىڭ ورىنباسارى تاتيانا گوليكوۆا مالىمدەدى, دەپ جازادى Egemen.kz.
تۇركيادان باسقا, يتاليا, وڭتۇستىك كيپر, سولتۇستىك ماكەدونيا, بەلگيا, بولگاريا, يوردانيا جانە يرلانديامەن رەيستەر قالپىنا كەلتىرىلدى.
تۇركياداعى COVID-19 ەپيدەميولوگيالىق جاعدايىنىڭ ناشارلاۋىنا بايلانىستى رەسەيدىڭ كوروناۆيرۋستىق جەدەل شتابى بۇل ەلمەن اۋە قاتىناسىن 15 ءساۋىر مەن 1 ماۋسىم ارالىعىندا توقتاتۋ تۋرالى شەشىم قابىلداعان ەدى.
كەيىنىرەك, شەكتەۋلەر 21 ماۋسىمعا دەيىن ۇزارتىلاتىنى تۋرالى جاريالاندى.
رەسەي تۋروپەراتورلار قاۋىمداستىعىنىڭ (ATOR) ۆيتسە-پرەزيدەنتى دميتري گوريننىڭ سوزىنشە, رەسەيلىك تۋريستەردىڭ 60 پايىزدان استامى شەكتەۋلەرگە قاراماستان تۇركياعا ساپارلارىن توقتاتپاعان.