پاۆلودار وبلىسى ۋسپەن اۋدانىندا پوليتسەيلەر «تۇرمىس» جەدەل الدىن الۋ ءىس-شاراسىن وتكىزۋ بارىسىندا كامەلەتكە تولماعان بالاسىن تاربيەلەۋ جانە كۇتىپ-باعۋ جونىندەگى مىندەتتەرىن ورىنداماعان اتا-انانى انىقتادى, دەپ حابارلايدى Egemen.kz.
- قوڭىروزەك اۋىلىنىڭ تۇرعىنى 15 جاسار بالاسىن ۇيدە قالدىرىپ, ءوزى ۋسپەن اۋىلىنا كەتكەنى جانە ول جەردە تانىستارىمەن بىرگە سپيرتتىك ىشىمدىكتەر ىشكەنى انىقتالدى. اتا-اناسى ەكى اپتا بولماعان كەزدە بالا قاڭعىپ جۇرگەن. اتالعان فاكتىنى ۋچاسكەلىك ينسپەكتور انىقتادى, - دەدى اۋداندىق پوليتسيا باستىعىنىڭ ءبىرىنشى ورىنباسارى اسەت سادىقوۆ.
پوليتسەيلەر بالاسىن قاراۋسىز قالدىرعان ايەلدى تاۋىپ, اتا-انالىق مىندەتتەرىن ورىنداماعانى ءۇشىن قازاقستان رەسپۋبليكاسى اقبتك-ءنىڭ 127-بابىنىڭ 1-ءبولىمى بويىنشا اكىمشىلىك جاۋاپكەرشىلىككە تارتتى. بۇدان باسقا, ەندى وتباسى قولايسىز رەتىندە پروفيلاكتيكالىق ەسەپكە قويىلدى.