اۆستراليانىڭ سولتۇستىك تەرريتورياسىندا ورنالاسقان ءشولدى ايماقتاعى جارىس كەزىندە اۆتوكولىك كورەرمەندەردى باسىپ كەتكەن. ءبىر ادام قازا تاۋىپ, ەكەۋى جاراقات الدى, دەپ حابارلايدى Egemen.kz جەرگىلىكتى پوليتسيانىڭ اقپاراتىنا سىلتەمە جاساپ.
ءتارتىپ ساقشىلارىنىڭ ايتۋىنشا, كولىك جارىس جولىندا جوعارى جىلدامدىقپەن كورەرمەندەر توبىنا بۇرىلىپ كەتكەن.
«سولتۇستىك تەرريتوريانىڭ پوليتسياسى فينكەدەگى ءشولدى جارىس كەزىندە ءبىر ادام قازا تاۋىپ, ەكى ادام جاراقات العان اپاتتىڭ كۋاگەرلەرىن ىزدەستىرەدى», دەلىنگەن پوليتسيا سايتىنىڭ حابارلاماسىندا.
ءتارتىپ ساقشىلارىنىڭ ايتۋىنشا, 60 جاستاعى جارىس كورەرمەنى وقيعا ورنىندا قايتىس بولعان. 50 جاستاعى ەر ادام اۋىر جاراقاتپەن ەليس سپرينگس اۋرۋحاناسىنا جەتكىزىلدى. ال ايەل جۇرگىزۋشى جەڭىل جاراقات العان.
اپات ورنى قورشاۋعا الىندى. تەرگەۋ ءجۇرىپ جاتىر.