بىلىمگە ۇمتىلعان جاستار كوپ. «شقتۋ – ايماقتىڭ تىرەك ۋنيۆەرسيتەتى» اتتى ءباسپاسوز كونفەرەنتسياسىندا رەكتور جاسۇلان شايماردانوۆپەن قاتار ۋنيۆەرسيتەتتىڭ جوعارعى جاستار پارلامەنتى توراعاسى الينا كوساچەنكو قاتىسىپ, ءوز ۇسىنىسىن ءبىلىم جانە عىلىم ءمينيسترى اسحات ايماعامبەتوۆكە جەمقورلىققا قارسى جۇمىس جۇرگىزۋ ماقساتىندا دەباتتىق مارافون ۇيىمداستىرۋ تۋرالى ايتىپ ءوتتى, دەپ حابارلايدى Egemen.kz
د.سەرىكباەۆ اتىنداعى شقتۋ-دا ستۋدەنتتەر ءبىلىم الىپ قانا قويماي, وزدەرىن جان-جاقتى دامىتىپ كەلەدى. ول ءۇشىن ولارعا بارلىق جاعداي جاسالعان. باسقارۋشىلىق قاسيەتتەرىن, شىعارماشىلىق, سپورتتىق داعدىلاردى دامىتۋعا مۇمكىندىك زور. ۋنيۆەرسيتەت قابىرعاسىندا كوپتەگەن ۇيىرمەلەر, شىعارماشىلىق توپتار جۇمىس ىستەيدى. قوعام پروبلەمالارىنا بەيجاي قاراي المايتىن ستۋدەنتتەر ۋنيۆەرسيتەتتىڭ ەرىكتىلەر قاتارىنا قوسىلىپ, قايىرىمدى ىستەرمەن دە اينالىسۋعا بولادى.
باسا ايتا كەتەرلىگى, ستۋدەنتتەر كوشباسشىلىق قاسيتتەرىن «ەركىن ءسوز» جانە «Freedom» دەباتتىق كلۋبتاردا جەتىلدىرىپ, وبلىستىق تۋرنيرلەردە توپ جارىپ ءجۇر.