جامبىل وبلىسىندا بىرنەشە ادام توبەلەسىپ, ءبىر ادام قازا تاپتى, دەپ حابارلايدى Egemen.kz.
9 ماۋسىم كۇنى ساعات 21.20-دا مەركى اۋداندىق پوليتسيا بولىمىنە جەرگىلىكتى تۇرعىن بەلگىسىز ادامدار شارۋا قوجالىعىنا كەلىپ, اعاسىن اتىپ ولتىرگەنى تۋرالى حابار بەرگەن.
پوليتسيا وقيعا ورنىنا جەدەل جەتىپ, ءمان-جايدى انىقتاعان. بەلگىلى بولعانداي, شارۋا قوجالىعىنىڭ يەسى مەن ءۇش جەرگىلىكتى تۇرعىن اراسىندا جانجال تۋىپ, تۇرعىنداردىڭ ءبىرى مىلتىقپەن قوجالىق يەسىنە وق اتقان.
الايدا ەر ادام جاراقات العانىنا قاراماستان, كولىگىمەن ولاردى قۋىپ جەتىپ, ەكىنشى كولىكتى ادەيى سوققان. سالدارىنان جۇرگىزۋشى العان جاراقاتىنان وقيعا ورنىندا قازا تاپتى, ال ونىڭ جولاۋشىسى جاراقات الدى.
اتىلعان وقتان اياعى مەن قولى جارالانعان قوجالىق يەسى مەركى اۋىلىنىڭ ورتالىق اۋرۋحاناسىنا جاتقىزىلدى.
پوليتسەيلەر توبەلەسكە قاتىسقانداردىڭ ءبارىن ۇستادى, سوتقا دەيىنگى تەرگەۋ جۇرگىزىلىپ جاتىر. قاجەتتى ساراپتامالار تاعايىندالعان. ءىستىڭ ءمان-جايى انىقتالۋدا.