قوستاناي-الماتى باعىتىمەن كەلە جاتقان جولاۋشى وزىمەن بىرگە 117 ميلليون تەڭگە سالىنعان سومكەسىن الىپ جۇرگەن. سومكەنى قولدى قىلعان ۇرىلار ولاردى پوليتسيا ۇستاعانشا ەكى اۆتوكولىك ساتىپ الىپ ۇلگەرگەن, دەپ حابارلايدى Egemen.kz.
«31 مامىردا 22 جاستاعى جولاۋشى قوستاناي-الماتى باعىتىنداعى پويىزبەن كەلە جاتىپ, وزىمەن 116 ميلليون 900 مىڭ تەڭگە الىپ جۇرگەن. ول ەش كۇدىكتەنبەي كەشكە ۇيىقتاپ جاتقان, الايدا تۇندە جاقسى بەكەتىندە ويانعان كەزىندە اقشانىڭ جوعىن تۇسىنگەن», دەلىنگەن حابارلامادا.
جابىرلەنۋشى باتالون قىزمەتكەرلەرىنەن كومەك سۇراعان. دەپارتامەنت قىزمەتكەرلەرى جەدەل تەرگەۋ توبىن قۇرىپ, ىزدەۋدى باستادى. تەمىرجول كولىگىنىڭ بارلىق نىسانى, سونداي-اق جاقىن ورنالاسقان ەلدى مەكەندەر تەكسەرىلدى.
پوليتسيا قىزمەتكەرلەرى پويىزدىڭ بارلىق قىزمەتكەرى مەن جولاۋشىسىنان سۇحبات الدى. ناتيجەسىندە كۇدىكتىنىڭ فوتوروبوتى جاسالدى.
«8 ماۋسىمدا نۇر-سۇلتان قالاسىنىڭ كولىك پوليتسياسىنىڭ قىزمەتكەرلەرى ۇرلىق جاسادى دەگەن كۇدىكپەن ءۇش ادامدى انىقتاپ, ۇستادى. كۇدىكتىلەردىڭ تۇرعىلىقتى جەرى بويىنشا ءتىنتۋ جۇرگىزىلدى, ونىڭ بارىسىندا 12,6 ميلليون تەڭگە جانە 198,5 مىڭ دوللار تاركىلەندى.
كۇدىكتىلەر ۇرلانعان اقشانىڭ ءبىر بولىگىن قىلمىس جاسالعاننان كەيىن بىردەن ەكى كولىك ساتىپ العان», دەلىنگەن حابارلامادا.