مەملەكەت باسشىسى قاسىم-جومارت توقاەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ادۆوكاتتىق قىزمەت جانە زاڭ كومەگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
زاڭنىڭ ءماتىنى باسپاسوزدە جاريالانادى.
«كونستيتۋتسيالىق كەڭەس قۇجاتتىڭ قازاقستان رەسپۋبليكاسىنىڭ اتا زاڭىنا ساي كەلەتىنىن مالىمدەدى. سونىمەن قاتار مەملەكەت باسشىسى ۇكىمەتكە دەپۋتاتتىق كورپۋسپەن بىرلەسىپ, قولدانىستاعى قازىرگى زاڭ جوباسى اياسىندا كەيبىر زاڭ نورمالارىن زاڭنامالىق تۇرعىدان ناقتىلاۋ جونىندەگى كونستيتۋتسيالىق كەڭەستىڭ ۇسىنىستارىن قاراستىرۋدى تاپسىردى», دەپ جازدى پرەزيدەنتتىڭ ءباسپاسوز حاتشىسى بەرىك ءۋالي Facebook-تە