بازالىق مولشەرلەمە بويىنشا شەشىم قابىلداندى

ۇلتتىق بانكتىڭ حابارلاۋىنشا, ءدال قازىرگى ساتتە قازاقستاننىڭ نەگىزگى ساۋدا ارىپتەستەرى بولىپ تابىلاتىن ەلدەردە الەمدىك ازىق-ت ۇلىك باعالارىنىڭ وسۋىنە جانە ينفلياتسيانىڭ جەدەلدەۋىنە بايلانىستى سىرتقى ينفلياتسيالىق قىسىمنىڭ ساقتالۋى بايقالادى. ىشكى ەكونوميكادا ىسكەرلىك بەلسەندىلىك پەن تۇتىنۋشىلىق سۇرانىستى بىرتىندەپ قالپىنا كەلتىرۋ پروتسەسى جالعاسىپ جاتىر.

«2021 جىلعى مامىردىڭ قورىتىندىسى بويىنشا جىلدىق ينفلياتسيا 7,2%-دى قۇرادى. ازىق-ت ۇلىككە جاتپايتىن تاۋارلار مەن اقىلى قىزمەتتەر باعاسىنىڭ ءوسۋى ازىق-ت ۇلىك نارىعىنداعى دەزينفلياتسيالىق پروتسەستەرمەن ءىشىنارا تەڭەستىرىلدى. ازىق-ت ۇلىك ينفلياتسياسى باياۋلاۋدى جالعاستىردى جانە 2021 جىلعى مامىردىڭ قورىتىندىسى بويىنشا 9,3% (2021 جىلعى ساۋىردە 9,8%) بولدى. ونىڭ اعىمداعى باياۋلاۋى 2020 جىلعى ينفلياتسيانىڭ جوعارى بازاسىن ەسەپتەۋدەن شىعۋعا بايلانىستى. بۇل رەتتە جەكەلەگەن تاۋار نارىقتارىندا باعانىڭ ءوسۋ ءۇردىسى ساقتالۋدا. قوسىمشا پروينفلياتسيالىق قىسىم 12 اي بويى جالعاسىپ كەلە جاتقان ازىق-ت ۇلىكتىڭ الەمدىك باعاسىنىڭ وسۋىنە اسەر ەتەدى», دەپ حابارلايدى ۇلتتىق بانك.

سونداي-اق مامىر ايىنىڭ قورىتىندىسى بويىنشا حالىققا كورسەتىلەتىن اقىلى قىزمەتتەر باعاسى 5,1 پايىزعا ءبىر-اق كوتەرىلگەن. ودان بولەك كوممۋنالدىق قىزمەت, جول-ترانسپورت قىزمەتى جانە جەكەلەگەن رەتتەلمەيتىن قىزمەتتەردىڭ دە اقىسى قىمباتتاعان. بۇل ورايدا باس قارجىلىق قاداعالاۋشى 2022 جىلى ىشكى ورتا فاكتورلارى اسەرىنىڭ سارقىلۋى جانە سىرتقى ينفلياتسيالىق قىسىمنىڭ السىرەۋىن بولجايدى.

«قىتاي مەن ەو-داعى ينفلياتسيانىڭ العا قويعان نىسانالى دەڭگەيلەرىنە قول جەتكىزبەۋ جانە الەمدىك ازىق-ت ۇلىك باعالارىنىڭ بىرتىندەپ تومەندەۋىمەن رەسەيدەگى ينفلياتسيانىڭ 4% دەڭگەيىندە تۇراقتالۋى كۇتىلۋدە. نەگىزگى ساۋدا ارىپتەس ەلدەرىنەن ازىق-ت ۇلىك پەن ازىق-ت ۇلىككە جاتپايتىن يمپورتتىڭ جوعارى ۇلەسىن ەسكەرە وتىرىپ, بۇل ەلدەردەگى ينفلياتسيانىڭ بىرتىندەپ تۇراقتانۋى قازاقستانداعى ينفلياتسيانى باسەڭدەتۋگە جانە ماقساتتى 4-6% دەڭگەيىنە ەنۋگە كومەكتەسەدى. ەكونوميكانىڭ ناقتى سەكتورىنداعى احۋالدىڭ بىرتىندەپ جاقسارۋى جالعاسۋدا. 2021 جىلعى قاڭتار-ءساۋىر ايلارىنىڭ قورىتىندىسى بويىنشا ءىجو ءوسىمى جىلدىق ماندە 0,7%-دى قۇرادى. ساۋدادا (5,7%-عا ءوسۋ), كولىكتە (تومەندەۋ جىلدامدىعىنىڭ -9,0% دەيىن باياۋلاۋ) قالپىنا كەلتىرۋ سەرپىنى بايقالادى. وڭدەۋ ونەركاسىبىندە (7,7%), قۇرىلىستا (12,5%), اقپارات پەن بايلانىستا (11,1%) ءوسۋ قارقىنىنىڭ جەدەلدەۋى بايقالدى», دەلىنگەن ۇلتتىق بانك حابارلاماسىندا.

قازىرگى تاڭدا الەمدىك ەكونوميكاداعى جاعداي وڭ سەرپىندە قالىپتاسىپ وتىر. الەمدە 2 ملرد-تان استام دوزادا ۆاكتسينا ەنگىزۋ اياسىندا ەپيدەميالىق جاعدايدىڭ جاقسارۋىنا بايلانىستى ۆاكتسينالاۋ دەڭگەيى جوعارى ەلدەردە كارانتيندىك شەكتەۋلەردى بىرتىندەپ جەڭىلدەتۋ باستالدى. بۇل فاكتور بىرقاتار ءىرى ەلدەردىڭ قارقىندى اعىمداعى ەكونوميكالىق وسۋىمەن بىرگە الەمدىك ەكونوميكانىڭ دامۋىنا قاتىستى حالىقارالىق ۇيىمداردىڭ بولجامدارىن قايتا قاراۋعا الىپ كەلدى.

حالىقارالىق ۆاليۋتا قورىنىڭ بولجاۋىنشا, 2021 جىلى الەمدىك ەكونوميكالىق ءوسىم 5,5-تەن 6,0 پايىزعا دەيىن كوتەرىلمەك. جەكەلەپ قارار بولساق, 2021 جىلى ەو ەكونوميكاسى 4,4%-عا, قىتايدىڭ ءىجو-ءسى 8,4%-عا وسەدى. الايدا قازىرگى ۋاقىتتا شيكىزاتتى جەتكىزۋگە جانە شىعىندارىنىڭ وسۋىنە بايلانىستى بايقالىپ وتىرعان پروبلەمالار ەكونوميكالىق وسۋگە قىسىم كورسەتۋى مۇمكىن. بولجام بويىنشا, بيىل رەسەي ەكونوميكاسى 3,8%-عا ۇلعايادى. سونداي-اق ۇلتتىق بانك الەمدىك مۇناي نارىعىنداعى احۋالعا دا توقتالادى.

«2021 جىلعى ماۋسىم ايىنىڭ باسىندا Brent سۇرىپتى مۇنايدىڭ الەمدىك باعاسى ءبىر باررەل ءۇشىن 71 اقش دوللارىنان استى. ەلدەر جۇرگىزەتىن ۆاكتسينالاۋ ناتيجەسىندە سۇرانىستىڭ جىلدام وسۋىمەن, سونداي-اق جۋىردا مۇناي ءوندىرۋدى بىرتىندەپ ۇلعايتۋ جونىندە قابىلدانعان شەشىم اياسىندا وپەك+ ەلدەرىنەن مۇنايدىڭ بارىنشا قالىپتى ۇسىنىسىمەن باعا بىرقالىپتى بولادى. EIA باعالاۋى بويىنشا, وپەك+تەن تىس ەلدەردە مۇناي ءوندىرۋدى بىرتىندەپ ءوسىرۋ ناتيجەسىندە مۇناي باعاسى 2021 جىلعى ەكىنشى توقساننان كەيىنگى اعىمداعى ماندەردەن شامالى تومەندەيتىن بولادى. 2021-2022 جىلدار ىشىندە Brent سۇرىپتى مۇناي باعاسى ءبىر باررەل ءۇشىن شامامەن 60 اقش دوللارى دەڭگەيىندە بولادى. الەمدەگى اعىمداعى ەپيدەميالىق احۋالدى جانە حالىقارالىق ۇيىمداردىڭ بولجامدارىن نازارعا الا وتىرىپ, ۇلتتىق بانك اعىمداعى بولجامدى راۋندتىڭ بازالىق ستسەناري شەڭبەرىندە Brent سۇرىپتى مۇنايدىڭ باعاسىن قايتا قاراپ, ونى 2021-2022 جىلدارى ورتاشا ەسەپپەن 60 اقش دوللارىنا دەيىن كوتەردى», دەلىنگەن بولجامدا.

ۇلتتىق بانك بازالىق مولشەرلەمە بويىنشا كەزەكتى جوسپارلى شەشىمدى 2021 جىلعى 26 ماۋسىمدا نۇر-سۇلتان قالاسىنىڭ ۋاقىتى بويىنشا 15:00-دە جاريالايدى.