دەنساۋلىق ساقتاۋ مەكەمەلەرى قالىپتى جۇمىس رەجىمىنە اۋىستى

ىگەر «قىزىل ايماقتان» «سارى ايماققا»  ءوتۋ كەزىندەگى قولدانىستاعى شەكتەۋ شارالارى 7 كۇن وتكەننەن كەيىن كۇشىنە ەنەتىن بەلگىلى ءبىر جە­ڭىلدىكتەرمەن ساقتالاتىنىن اتاپ ءوتتى. سونداي-اق «سارى ايماقتىڭ» ول­شەمدەرى 1 (بىرلىكتەن) كەم نەمەسە وعان تەڭ R سانى (جۇقتىرۋ كورسەتكىشى) مەن جۇزدەن كەم نەمەسە وعان تەڭ 100 مىڭ تۇرعىنعا شاق­قانداعى سىرقاتتانۋ كورسەتكىشى بولاتىنىن ءتۇسىندىردى. الماتىدا 7 ماۋسىمداعى جاعداي بويىنشا 100 مىڭ تۇرعىنعا شاققاندا كۆي-مەن سىرقاتتانۋشىلىق كورسەتكىشى 64,7, ياعني 100-دەن تومەن, ونىڭ ىشىندە R=0,7. وسى ۋاقىتقا دەيىن الماتىدا جۇرگىزىلگەن شەكتەۋ شارالارى ىندەتتىڭ بەتىن قايتاردى. وعان قوسا كوروناۆيرۋس ىندەتىن ۆاكتسينا الۋ ارقىلى توقتاتۋعا بولادى. ج.بەكشين اتاپ وتكەندەي, قازاقستاندا كۆي-عا قارسى ۆاكتسينا سالدىرۋ قاۋىپتى ايماقتان باستالدى. الدىمەن مەديتسينا قىز­مەتكەرلەرى, ۋچاسكەلىك پولي­تسيا, اكىمدىك قىزمەتكەرلەرى, كوم­مۋنالدىق قىزمەت, قوعامدىق تاماق­تانۋ ورىندارى, ساۋدا قىزمەتكەرلەرى ەكپە سالدىردى. «بۇگىنگە دەيىن 316 407 ادام ۆاكتسينا الدى, بۇل قالا حالقىنىڭ 16%-ىن قۇرايدى, اۋىرىپ جازىلعان ادامدار 5%, سونىڭ ناتيجەسىندە 21%-دىق ۇجىمدىق يممۋنيتەت قالىپتاستى», دەيدى ج.بەكشين. جالپى,ۆاكتسينانى 60 جاستان اسقان 32 758 نەمەسە 12%-دان استام ادام سالدىردى. سونداي-اق, اقپان ايىنان باستاپ جۇزەگە اسقان Ashyq جۇيەسىن ەنگىزۋ مەن مونيتورينگتىك توپتاردىڭ شاعىن جانە ورتا بيزنەس نىساندارىن جۇيەلى باقىلاۋى وڭ اسەر ەتكەنىن اتاپ وتكەن ءجون. ج.بەكشيننىڭ ما­لىمەتىنشە, جوبا باستالعاننان بەرى الماتىدا ءوز مارتەبەسىن سكانەرلەۋ ناتيجەلەرى بويىنشا 1 235 تۇرعىننىڭ «قىزىل مارتەبەسى» راستالدى, 298 تۇرعىننىڭ «سارى مارتەبەسى»  انىقتالدى. جوبانىڭ تاعى ءبىر ارتىقشىلىعى – ءموبيلدى قوسىمشانىڭ كومەگىمەن ءۇي كاران­تينىن بۇزباي «قاشىقتان» تەكسەرۋ مۇمكىندىگى بار. وسىلايشا, قو­سىمشا ارقىلى الماتىدا 649 تۇرعىننىڭ «قىزىل مارتەبەسى», 144 تۇرعىننىڭ «سارى مارتەبەسى» راس­تالعان. Ashyq جوباسى ارقىلى قازىر الماتىدا ىندەتكە شالدىعۋ 6 ەسەگە تومەندەدى. مامىر ايىنىڭ العاشقى كۇندەرىندە تاۋلىگىنە 605-608 ادامنىڭ ىندەت جۇقتىرعانى انىقتالسا, سوڭعى تاۋلىكتە, ياعني 7 ماۋسىمدا 143 جاعداي تىركەلدى. الماتىنىڭ باس سانيتارى كاسىپ­كەرلەردى جوبا تالابىنا ادال بولۋعا, بەلگىلەنگەن شەكتەۋلەردى ساقتاۋعا شاقىردى, ويتكەنى جوبا كارانتيندىك جەڭىلدىكتەرمەن جۇمىس ىستەۋگە مۇمكىندىك بەرەدى. ويتكەنى پاندەميا باستالعالى بەرى الماتىدا كوروناۆيرۋس جۇقتىرعانداردىڭ رەسمي سانى 70 786 بولسا, ونىڭ ىشىندە 54 846 سيمپتومدىق بەلگىلەرى بار جانە 15 940 سيمپتومسىز, 1 809 انىق­تالماعان پنەۆمونيا تىركەلدى. ماسەلەن, مامىر ايىنىڭ ورتاسىندا اۋرۋحانالارعا تاۋلىگىنە كەمى 190-200 ناۋقاس تۇسەتىن بولسا, قازىر بۇل 80-90 ادامعا ازايدى. وتكەن تاۋلىكتە 54 ناۋقاس اۋرۋحاناعا جاتقىزىلدى. وسىعان بايلانىستى, ەپيدەميالىق احۋالدىڭ سالىستىرمالى تۇردە قولايلى اعىمىن ساقتاي وتىرىپ, كوۆيد جۇقتىرعان ناۋقاستاردى قالانىڭ ارنايى اۋرۋحانالارىنا جاتقىزۋ جوسپارلانىپ وتىر. بۇلار – ي.جەكەنوۆ اتىنداعى قالالىق كلينيكالىق جۇقپالى اۋرۋلار اۋرۋحاناسى فيليالدارى, قالالىق بالالار كلينيكالىق جۇقپالى اۋرۋلار اۋرۋحاناسى, جشمككا, قالالىق فيتيزيوپۋلمونولوگيا ورتالىعىنىڭ فيليالى «حالىق ارەنا», №1 قالالىق پەرزەنتحانا, قالالىق كارديولوگيالىق ورتالىق, پسيحيكالىق دەنساۋلىق ورتالىعى, №1 قالالىق كلينيكالىق اۋرۋحاناسى ادەتتەگى رەجىمدە جۇمىس ىستەپ جاتىر.

ال 14 ماۋسىمنان باستاپ ور­تالىق قالالىق كلينيكالىق اۋرۋ­حانا­نىڭ كوۆيدتىك ستاتسيونار­لارىن, قالالىق كلينيكالىق جۇق­پالى اۋرۋلار اۋرۋحاناسىنىڭ باي­زاقوۆ كوشەسىندەگى فيليالىن جابۋ جوس­پارلانىپ وتىر. بۇل ستاتسيونارلار قالىپتى جۇمىس رەجىمىنە كوشە­دى جانە بارلىق ەمحانالار مەن اۋرۋ­حانالارعا دەزينفەكتسيا جۇرگىزىلەدى.

ستاتيستيكا بويىنشا كوۆيدتەن قايتىس بولعان ادامداردىڭ 80%-دان استامى 60 جاستان اسقان ۇلكەن كىسى­لەر.

الماتى قالاسى قوعامدىق دەن­ساۋ­لىق باسقارماسىنىڭ باسشىسى ناريمان تابىنباەۆ كوروناۆيرۋس ينفەكتسياسى بار ناۋقاستارعا مە­ديتسينالىق كومەك كورسەتۋ ءۇشىن دەنساۋلىق ساقتاۋ ۇيىمدارىنىڭ قالىپتى جۇمىس رەجىمىنە اۋىسقانى تۋرالى باياندادى.

ءدال وسى كۇندەرى الماتىنىڭ ينفەكتسيالىق ستاتسيونارلارىندا 1 258 ادام ەمدەلىپ جاتىر. قا­­لادا بارلىعى 3 640 توسەكتىك ورىن بار. جەدەل مەديتسينالىق كو­مەك­تى شاقىرۋ ءۇشىن تاۋلىگىنە 1 850-1 930 قوڭىراۋ شالىنادى. ن.تا­بىن­باەۆتىڭ حابارلاۋىنشا, ەپي­دەميالىق احۋال تۇراقتانا تۇسسە, كوۆيدتى ناۋقاستاردى «دەگدار» قا­لالىق كلينيكالىق جۇق­پالى اۋرۋ­حاناسىنا, سايالى مەن تەرەك­تى شا­عىن اۋداندارىنداعى ءمو­دۋل­دى  ستاتسيونارلارعا جاتقىزۋ جوس­پار­لان­عان.

الماتى