«IQAA-ranking» اگەنتتىگى جۇرگىزگەن قازاقستاننىڭ ۇزدىك جوعارى وقۋ ورىندارىنىڭ ۇلتتىق رەيتينگىنىڭ ناتيجەلەرى جاريالاندى. ايتا كەتسەك, تەحنيكالىق جوو اراسىنداعى رەيتينگكە 11 وقۋ ورىن قاتىستى. ناتيجەسىندە د. سەرىكباەۆ اتىنداعى ۋنيۆەرسيتەت 3-ورىندى يەلەندى, دەپ حابارلايدى Egemen.kz.
ۋنيۆەرسيتەت ۇجىمى بارلىق زاماناۋي پلاتفورمالاردى قولدانا وتىرىپ ساپالى ءبىلىم بەرۋدى جالعاستىرىپ كەلەدى. پاندەميادان بۇرىن دا وقۋ ورنىندا تسيفرلاندىرۋ سالاسىنىڭ الەۋەتى زور ەدى. سونىمەن قاتار وقىتۋ پروتسەسىنە جوعارى بىلىكتى ينجەنەر-مامانداردى دايارلاۋعا مۇمكىندىك بەرەتىن CDIO (ينجەنەرلىك ءبىلىم بەرۋدەگى الەمدىك ترەند) قاعيداتتارىن ەنگىزۋگە كوشتى.
كادرلاردى دايارلاۋدا نەگىزگى جۇمىس بەرۋشىلەرمەن دە ايتارلىقتاي ارىپتەستىك ماڭىزدى ءرول اتقارادى. رەيتينگتە ۋنيۆەرسيتەت جۇلدەگەرلەرى جوعارى وقۋ ورىندارى اراسىندا جۇمىس بەرۋشىلەردىڭ ەڭ جوعارى باعاسىن الدى. دەمەك, ۋنيۆەرسيتەت مامانداردى ۇلكەن جۇمىسقا دايىن ەتىپ تۇلەتىپ جاتىر. راس, ۋنيۆەرسيتەت باسشىلىعى مەن ۇجىمى ءوڭىر كاسىپورىندارىن باسەكەگە قابىلەتتى ماماندارمەن قامتاماسىز ەتۋ ءۇشىن بارىنشا كۇشىن سالىپ جاتىر.