باتىس قازاقستان وبلىسىندا قىزمەتتىك كولىكتەر تاكسيگە اينالماق, دەپ حابارلايدى Egemen.kz.
بقو اكىمى عالي ەسقاليەۆتىڭ Facebook-تەگى پاراقشاسىندا ءمالىم ەتكەنىندەي, «اقجايىق» اكك» اق الماتىلىق كومپانيالاردىڭ بىرىمەن بىرلەسكەن كاسىپورىن قۇرۋ جونىندە كەلىسىمگە كەلگەن.
«بقو اكىمدىگى ءوزىنىڭ قىزمەتتىك كولىكتەرىن بىرلەسكەن كاسىپورىنعا بەرەدى. ال جەكە ينۆەستور جاڭا اۆتوكولىكتەر ساتىپ الىپ, تاكسي ەسەبىندە جوعارى قىزمەت كورسەتۋدى قامتاماسىز ەتەدى. مەملەكەت الداعى ۋاقىتتا اۆتوكولىك ساتىپ الۋدان باس تارتىپ, قارجى ۇنەمدەيدى. كولىكتىڭ شىعىندارىنان گورى اۆتوكولىكتى جالعا الۋ ارزانعا تۇسەدى دەپ ويلايمىن. قالادا جاڭا تاكسيلەر قىزمەت كورسەتەدى. وسىلايشا قازاقستان پرەزيدەنتىنىڭ قىزمەتتىك كولىكتەرگە كەتەتىن شىعىندى ازايتۋ جونىندەگى تاپسىرماسى ورىندالادى», دەپ جازدى ءوڭىر باسشىسى.
وبلىس اكىمى بۇدان بۇرىن دا قازىرگى زامانعى تاكسي قىزمەتى پايدا بولسا, كوپتەگەن جەكە كومپانيالار دا قىزمەتتىك اۆتوكولىكتەرىنەن باس تارتا الاتىنى تۋرالى جازعان ەدى.