ەلىمىزدە بانكتەر مەن پوشتانىڭ جۇمىس ۋاقىتى ۇزاردى

قاۋلىدا پتر-تەستىڭ 3 تاۋلىكتەن اسپايتىن تەرىس ناتيجەسى بار انىقتاما نەمەسە COVID-19-عا قارسى ۆاكتسينانىڭ تولىق كۋرسىن العانىن راستايتىن قۇجات بولسا, بوسانۋ كەزىندە سەرىكتەس بولۋعا رۇقسات بەرىلەتىنى ايتىلعان.

كۇندىزگى ستاتسيونارلارعا قاتىستى مىناداي ءتارتىپ ەنگىزىلدى: «پاتسيەنتتەردى, ونىڭ ىشىندە جۇكتى ايەلدەردى, بوسانعان ايەلدەردى جانە بالالاردى ستاتسيونارعا (ونىڭ ىشىندە كۇندىزگى ستاتسيونارعا) جوسپارلى ەمدەۋگە جاتقىزۋ بەرىلگەن كۇنىنەن باستاپ 5 تاۋلىكتەن اسپايتىن تەستىلەۋ ناتيجەسى نەمەسە COVID-19-عا قارسى ۆاكتسيناتسيانىڭ تولىق كۋرسىن العانىن راستايتىن قۇجات بولعاندا جۇزەگە اسىرىلادى», دەپ جازىلعان قاۋلىدا.

سونىمەن بىرگە بانكتەر, حالىققا قىزمەت كورسەتۋ ورتالىقتارى, «قازپوچتا» اق بولىمشەلەرىنىڭ جۇمىسى ساعات 9:00-دەن 18:00-گە دەيىن بەكىتىلدى. قاۋلى 2021 جىلعى 5 ماۋسىم ساعات 00:00-دەن باستاپ كۇشىنە ەنەدى.