تالاس اۋدانى, تامدى اۋىلىنىڭ 67 جاستاعى تۇرعىنى جاقسىلىق مامىربەك ۇلى جۇرتتى تاڭداندىرۋدا. ول ءالى كۇنگە دەيىن جۇگىرۋدەن جارىستارعا قاتىسىپ, جەڭىمپاز اتانىپ ءجۇر. ءبىر قىزىعى – ول جەڭىل اتلەتيكامەن زەينەت جاسىنا شىققاننان سوڭ عانا اينالىسا باستاپتى. سودان بەرى سپورتتى جانىنا سەرىك ەتكەن اۋىلداعى جەلاياق جاستارعا دا ۇلگى كورسەتىپ كەلەدى.
جاقسىلىق مامىربەك ۇلى از ۋاقىتتىڭ ىشىندە تالاي بەلەستى باعىندىرىپ ۇلگەرگەن. ماسەلەن, ەلىمىزدە وتكەن «ەكسپو-2017» حالىقارالىق كورمەسىندە جانە اتىراۋ مەن الماتى قالالارىندا, سونداي-اق, رەسەي مەملەكەتىنىڭ سانكت-پەتەربۋرگ قالاسى مەن باسقا شاھارلاردا وتكەن ءتۇرلى جارىستاردا ۇزدىكتەر قاتارىنان كورىنگەن. جۋىردا عانا ول قىرعىز ەلىنىڭ ىستىقكول قالاسىندا وتكەن حالىقارالىق جارىستا تاعى دا توپ جاردى.
ۇلت باتىرى جۇمانازار ساتىمقۇل اتىنداعى حالىقارالىق جارىستا جەڭىمپاز اتاندى. اتالعان جارىسقا الەمنىڭ 35 مەملەكەتىنەن 4 مىڭعا جۋىق جەلاياق قاتىسىپ, باق سىناعان بولاتىن. ال ەلىمىزدىڭ اتىنان تەك جەرلەسىمىز عانا شىققان. بۇل جولى جاقسىلىق مامىربەك ۇلى 42 شاقىرىم 195 مەتر قاشىقتىقتى 4 ساعاتتا جۇگىرىپ, مارە سىزىعىن ءبىرىنشى بولىپ كەسىپ وتكەن. وسىلايشا, 67 جاستاعى جەلاياق جەڭىس تۇعىرىنان كورىندى.
جامبىل وبلىسى