پەتروپاۆل قالاسىندا 5 ليترلىك پلاستيكالىق ىدىسقا قۇيىلعان الكوگولدىك سۋسىنداردى قولدان جاسايتىن ەكى جاسىرىن تسەح جابىلدى, دەپ حابارلايدى Egemen.kz.
جاسىرىن تسەحتا ءبولىپ قۇيۋ جانە تىعىنداۋ اپپاراتىنىڭ كومەگىمەن جاساندى حوش ءيىس, بوياعىش جانە كران سۋىن قولدانىپ, قۇرامىندا ءسپيرتى بار سۇيىقتىق ءوندىرىپ, ونى «ايدابۋلسكايا» اراعى جانە «ميندالنىي» كونياگى تۇرىندە ساتىلىمعا شىعارعان.
سقو بويىنشا ەكونوميكالىق تەرگەپ-تەكسەرۋ دەپارتامەنتىندەگىلەر تسەحتى ۇيىمداستىرۋعا, قولدان جاسالعان ىشىمدىكتى ساتۋعا جانە جەتكىزۋگە قاتىستى ادامداردى انىقتادى. التى مەكەنجايدى ءتىنتۋ بارىسىندا 24 بەس ليترلىك پلاستيكالىق كونتەينەر, 28 تەكشەلى كونتەينەر, 76 بىرلىك 200 ليترلىك كەگتەر جانە باسقا دا سپيرت قۇيىلعان ىدىستار تاركىلەندى.
سونداي-اق جالپى سوماسى 114 ملن استام تەڭگەنى قۇرايتىن 40 مىڭ ليتردەن استام سپيرت تاركىلەندى. وسى جاعدايعا قاتىستى سوتقا دەيىنگى تەرگەۋ باستالدى.