2021 جىلدىڭ 1 ماۋسىمىنان باستاپ, تۇركيا رەسپۋبليكاسى اۋماعىنا كىرۋ ەرەجەلەرى وزگەردى, دەپ حابارلايدى Egemen.kz ىستانبۇلداعى قازاقستان كونسۋلدىعىنا سىلتەمە جاساپ.
اۋعانستان, بانگلادەش, برازيليا, وڭتۇستىك افريكا رەسپۋبليكاسى, ءۇندىستان, نەپال, پاكىستان جانە شري-لانكادان كەلگەن نەمەسە سوڭعى 14 كۇندە وسى ەلدەردە بولعان جولاۋشىلار سوڭعى 72 ساعات ىشىندە جاسالعان پتر تەستتىڭ تەرىس ناتيجەسىن ۇسىنۋى قاجەت.
اتالعان ەلدەردەن كەلگەن جولاۋشىلار 14 كۇندiك كارانتينگە الىنادى. كارانتيننىڭ سوڭىندا پتر تەست ناتيجەسى تەرىس بولسا, كارانتيندىك شارا توقتاتىلادى. ۇلىبريتانيا, يران, مىسىر جانە سينگاپۋردان كەلەتىن جولاۋشىلاردان سوڭعى 72 ساعات ىشىندە جاسالعان پتر تەستىنىڭ تەرىس ناتيجەسى تالاپ ەتىلەدى.العاشقى ەكى تارماقتا كورسەتىلمەگەن ەلدەردەن, سونىڭ ىشىندە قازاقستاننان كەلگەن جولاۋشىلاردان ءتيىستى مەملەكەتتىڭ رەسمي ورگاندارى تاراپىنان راسىمدەلگەن تومەندەگى قۇجاتتاردىڭ ءبىرى ۇسىنىلعان جاعدايدا, پتر تەستتىڭ تەرىس ناتيجەسى تالاپ ەتىلمەيدى: •تۇركياعا كەلۋدەن كەم دەگەندە 14 كۇن بۇرىن ۆاكتسيناتسيالانعانى تۋرالى رەسمي قۇجات; • سوڭعى 6 ايدا كوروناۆيرۋسپەن اۋىرعانى جانە جازىلعانى جايلى قۇجات;اتالعان قۇجاتتار بولماعان جاعدايدا, تومەندەگىلەردىڭ بىرەۋى ۇسىنىلۋى كەرەك: •تۇركياعا كىرەردەن بۇرىن سوڭعى 72 ساعات ىشىندە جاسالعان پتر تەستتىڭ تەرىس ناتيجەسi; •تۇركياعا كىرەردەن بۇرىن سوڭعى 48 ساعات ىشىندە جاسالعان جەدەل انتيگەندى انىقتاۋ تەستىنىڭ ناتيجەلەرى;ەكىنشى تارماقتا كورسەتىلگەن ەلدەردەن كەلەتىن جولاۋشىلاردان باسقا, تۇركياعا كەلەتىن تۇلعالاردان پتر تەستىن اۋەجايدا نەمەسە باقىلاۋ-وتكىزۋ پۋنكتتەرىندە ءوتۋ تالاپ ەتىلۋى مۇمكىن. بۇل جاعدايدا تالداۋ ءۇشىن سىنامالار الىنعاننان كەيىن جولاۋشىلارعا سوڭعى باعىتىنا (ۇيگە, قوناق ۇيگە, تۇرعىلىقتى جەرگە) بارۋعا رۇقسات بەرىلەدى. تەستتىڭ ناتيجەسى وڭ بولسا, جولاۋشىلاردىڭ ءتيىستى ەمدەۋدەن ءوتۋى قاجەت بولادى.