كادر تاپشىلىعىن روبوتتار شەشەدى

ەڭبەك رەسۋرستارىن دامىتۋ ورتا­لىعىنىڭ حابارلاۋىنشا, اسىرەسە ءبىلىم بەرۋ سالاسى جىل سا­ناپ كادر تاپشىلىعىن سەزىنۋدە.

«بولجام­نىڭ نەگىزگى ستسەنا­ريىن­­دە جالدامالى جۇمىس كۇشىنە دەگەن جالپى سۇرانىس 2021-2025 جىلدارعا 1038,4 مىڭ ادامدى قۇ­راي­دى دەپ كۇتىلۋدە. وپتيميستىك ستسە­ناري بويىنشا سۇرانىس كولەمى 1 177,4 مىڭ ادامدى قۇ­راي­دى, ال پەسسيميستىك – 792,9 مىڭ ادامدى قۇرايدى. سالالىق بولى­نىستە جۇمىس كۇشىنە دەگەن نە­گىز­گى سۇرانىس ءبىلىم بەرۋ سالاسىندا قالىپتاسادى دەپ كۇتىلۋدە, ول ستسەناريگە بايلانىستى جالپى كولەمنىڭ 16-18 پايىزىن قۇرايدى. ودان كەيىنگى ورىنداردا اۋىل شار­ۋا­شىلىعى سالاسى مەن وڭدەۋ سا­لاسى تۇر» دەلىنگەن ورتالىق حابارلاماسىندا.

وپتيميستىك ستسەناري بو­يىنشا 2025 جىلعا قاراي جۇمىس كۇشى 9 ملن 409 مىڭ ادامدى, جۇمىسشىلار سانى – 8 ملن 967 مىڭ ادامدى, قىزمەتكەرلەر سانى – 7 ملن 864 مىڭ ادامدى, باسقا جۇمىسپەن قامتىلعاندار سانى – 1 ملن 103 مىڭ ادامدى قۇراۋى مۇمكىن. پەسسيميستىك ستسەناري بويىنشا 2025 جىلعا قاراي جۇمىس كۇشى 9 ملن 266 مىڭ ادامعا دەيىن وسەدى, ال جۇمىسشىلار سانى – 8 ملن 830 مىڭ ادام, قىزمەتكەرلەر سانى – 7 ملن 480 مىڭ ادام, باسقا جۇمىسپەن قامتىلعاندار سانى

1 ملن 351 مىڭ ادام بولماق.

2020 جىلدىڭ قورىتىندىسى بويىنشا جۇمىس كۇشىنىڭ جالپى سانى 0,4 پايىزعا ازايىپ, 9,18 ملن ادامدى قۇراپتى. ءوزىن ءوزى جۇ­مىس­پەن قامتىعان ادامدار سانى­نىڭ ازايۋى نەگىزگى كورسەت­كىش­كە اسەر ەتكەن. بۇعان ارينە, پاندەميا دا ەرەكشە «ۇلەس قوستى». سونىمەن قاتار كارانتيندىك شەكتەۋ شارا­لارىنا بايلانىستى ءوندىرىس كولە­مى­نىڭ تومەندەۋى بايقالعان سالالاردا جۇمىسپەن قامتىلۋ دەڭگەيى دە قۇلدىراعان.

«ەڭ كوپ تومەندەۋ كولىك (-3,2 پايىز), ونەر جانە ويىن-ساۋىق (-2,5 پايىز), اكىمشىلىك جانە قوسالقى قىزمەت كورسەتۋ (-2,3 پايىز) سالا­لارىندا, سونداي-اق تۇ­رۋ جانە تاماقتانۋ بويىنشا قىز­مەتتەر سالاسىندا (-1,7 پا­يىز) بايقالىپ وتىر. 2020 جىلى قىز­مەت كورسەتۋ جانە ساتۋ سالاسى قىز­مەتكەرلەرىنىڭ جۇمىسپەن قام­تىلۋىنا پاندەميانىڭ ەرەكشە تەرىس اسەرىنە قاراماستان, جىلدىق قورىتىندىلار بويىنشا جانە 2019 جىلمەن سالىستىرعاندا نەبارى 0,02 پايىزعا نەمەسە 310 ادام­عا ازايدى. ياعني قابىلدانعان شا­را­لاردىڭ تىكەلەي شەكتەۋ اسە­رىنە قاراماستان, قىزمەت كور­سەتۋ جانە ساتۋ سالاسىنداعى قىز­مەت­كەرلەر اراسىندا جۇمىسپەن قامتۋدى قالپىنا كەلتىرۋ قارقى­نى نەعۇرلىم يكەمدى جانە بەيىم­دەل­گىش بولىپ تابىلادى» دەلىنەدى ورتالىق زەرتتەۋىندە.

نارىققا جاڭا تەحنولو­گيا­لار­دىڭ قارقىندى ەنگىزىلە باس­تاۋى, ءوندىرىستىڭ تسيفرلانۋى تا­عى ءبىرشاما ادامنىڭ جۇمىسسىز قالۋىنا اسەر ەتۋى ىقتيمال. قازىرگى تاڭدا ءوندىرىستىڭ جاپپاي اۆتوماتتاندىرىلۋى الداعى ون جىلدىقتا 2,6 ملن-نان استام جۇمىس ورنىنىڭ قىسقارۋىنا الىپ كەلمەك. Oxford Economics دەرەگى بويىنشا سوڭعى 20 جىلدا بۇكىل الەمدە پايدالانىلاتىن روبوت سانى 3 ەسە ءوسىپ, 2,25 ملن-عا جەتكەن. 2030 جىلعا قاراي ونىڭ جاھاندىق قورى 20 ملن-عا دەيىن كوبەيەدى دەپ كۇتىلىپ وتىر.

PwC بولجامىنشا 2030 جىلعا تامان كولىك, وڭدەۋ ونەركاسىبى جانە ساقتاۋ سالاسى ەڭ بەلسەندى تۇردە اۆتوماتتاندىرىلادى.

«الايدا اۆتوماتتاندىرۋ بەلگىلى ءبىر كاسىپ تۇرلەرىندە ادام ەڭبەگىن ىعىستىرۋدى عانا ەمەس, سونىمەن قاتار جوعارى جانە تومەن بىلىكتى جۇمىسشىلار اراسىنداعى جۇمىسپەن قامتۋ دەڭگەيىندەگى الشاقتىقتى كۇشەيتۋگە ىقپال ەتەتىنىن ەستە ۇستاعان ءجون. اۆتو­مات­­تاندىرۋ كۇندەلىكتى ەڭبەك فۋنك­تسيالارى بار كاسىپتەردى ىعىس­تى­راتىندىقتان, بىلىكتىلىگى تومەن جانە ورتا دەڭگەيدەگى جۇمىس­شى­لار­دا (جۇرگىزۋشى, كاسسير, كەڭسە قىزمەتكەرلەرى جانە ت.ب.) تابىستىڭ تومەندەۋى مەن نارىققا قاجەتسىز بولىپ قالۋ قاۋپى بار» دەيدى ەڭبەك رەسۋرستارى ورتالىعى.