2021 جىلعى 4 ماۋسىمدا ساعات 11.00-دە قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىندا قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان ء «بىز – ەل پاتريوتىمىز» حالىقارالىق جاستار فورۋمى وتەدى, دەپ حابارلايدى Egemen.kz.
فورۋمنىڭ ۇيىمداستىرۋشىلارى: قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى, نۇرسۇلتان نازارباەۆ قورى, قازاقستان رەسپۋبليكاسى اقپارات جانە قوعامدىق دامۋ مينيسترلىگى.
فورۋمنىڭ پلەنارلىق وتىرىسىنا قازاقستان رەسپۋبليكاسىنىڭ مەملەكەتتىك حاتشىسى ق. كوشەرباەۆ, قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ ديرەكتورى ب.تەمىربولات, «Nur Otan» پارتياسى توراعاسىنىڭ ءبىرىنشى ورىنباسارى ب. بايبەك, نۇر-سۇلتان قالاسىنىڭ اكىمى ا. كولگىنوۆ, قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترىنىڭ ورىنباسارى س.ەگىزباەۆ, نۇرسۇلتان نازارباەۆ قورىنىڭ اتقارۋشى ديرەكتورىنىڭ ورىنباسارى ءا. مارعۇلان ۇلى, قازاقستان رەسپۋبليكاسى پارلامەنتى ءماجىلىسىنىڭ دەپۋتاتى م. احمەتوۆ, شانحاي ىنتىماقتاستىق ۇيىمى جاستار كەڭەسى حاتشىلىعىنىڭ باسشىسى ا. كارپەنكو, «حالىقارالىق باعدارلامالار ورتالىعى» اق پرەزيدەنتى ا. قاربوزوۆا, «رەسەي جاستار وداعى» جالپىرەسەيلىك قوعامدىق ۇيىمىنىڭ توراعاسى پ.كراسنورۋتسكي, قىرعىز رەسپۋبليكاسى جاستار پارلامەنتىنىڭ جەتەكشىسى ن. جولدوشوۆا, «بەلارۋس رەسپۋبليكالىق جاستار وداعى» قوعامدىق بىرلەستىگى ورتالىق كوميتەتىنىڭ ءبىرىنشى حاتشىسى, بەلارۋس رەسپۋبليكاسى ۇلتتىق رەسپۋبليكا كەڭەسىنىڭ مۇشەسى د. ۆورونيۋك, سونداي-اق «قازاقستاننىڭ 100 جاڭا ەسىمى» جوباسىنىڭ جەڭىمپازدارى قاتىسادى.
پلەنارلىق وتىرىس بارىسىندا جاستار كوشباسشىلارىنا الماتى قالاسى مەن وبلىس اكىمدەرىنىڭ ونلاين-ۇندەۋى جوسپارلانعان.
پانەلدىك سەسسيالار «ورەn space» فورماتىندا وتەدى.
باسقوسۋدا قازاقستاندىق جاس سپورتشىلار, عالىمدار, ارتىستەر مەن كاسىپكەرلەر قازىرگى كەزەڭدەگى جاھاندانۋ ۇدەرىستەرىندە جاستاردىڭ ءرولىن ايقىنداۋدىڭ وزەكتى ماسەلەلەرىن تالقىلاماق. فورۋم سوڭى قازاقستاندىق ەسترادا جۇلدىزدارىنىڭ قاتىسۋىمەن وتەتىن كونتسەرتتىك باعدارلاماعا ۇلاسادى.