قىزىلوردا وبلىسىندا وتباسىلىق دەمالىسقا بارعان ايەل كولگە سۋعا باتىپ كەتتى, دەپ حابارلايدى Egemen.kz.
وقيعا سىرداريا اۋدانىنا قاراستى قوعالىكول اۋىلىندا بولعان. ەلدى مەكەن جانىنداعى ىزاكول اۋماعىنا 50 جاستاعى ايەل وتباسىلىق دەمالىسقا بارعان. «بۇل جونىندەگى حابارلاما №12 ءورت ءسوندىرۋ ءبولىمىنىڭ بايلانىس نومىرىنە ءتۇستى. وندا كولگە شومىلماق بولعان ايەل سۋعا باتىپ كەتىپ, كوز جۇمعانى ايتىلعان. ونىڭ دەنەسىن تۇرعىندار شىعارىپ العان», دەدى وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق قۇتقارۋ جۇمىستارى قىزمەتىنەن.