ماڭعىستاۋ وبلىسى بويىنشا ەكونوميكالىق تەرگەپ-تەكسەرۋ دەپارتامەنتىندەگىلەر «اۋەجاي اقتاۋ» كەدەن بەكەتىنىڭ باس مامانىنا قاتىستى قىلمىستىق ءىستى تەرگەۋدى اياقتادى, دەپ حابارلايدى Egemen.kz.
لاۋازىمدى تۇلعا قىزمەتتىك بابىن پايدالانىپ, تۇركيادان قازاقستان اۋماعىنا 80 جيىنتىق التىن بۇيىمدارىن زاڭسىز تاسىمالداۋعا كومەكتەسكەن.
ءۇش قازاقستاندىق كەدەن بەكەتىنىڭ قىزمەتكەرى ارقىلى قۇندى «تاۋارلاردى» كەدەندىك باقىلاۋدان وتكىزگەن. سوڭعىسى استىرتىن ارەكەتتەرى ءۇشىن 300 مىڭ تەڭگەنى يەلەنگەن.
زەرگەرلىك بۇيىمداردىڭ كەدەندىك قۇنى 31 ملن استام تەڭگەنى, ونىڭ ىشىندە كەدەندىك تولەمدەر – 7 ملن استام تەڭگەنى قۇرادى.
اقتاۋ قالالىق سوتى ۇكىمىمەن لاۋازىمدى تۇلعا 5 جىلعا سوتتالدى, قر ءۇش ازاماتىنا 7,8 ملن تەڭگە ايىپپۇل سالىندى.