اتىراۋ قالاسىنداعى كولىك جولىن كەڭەيتۋدى قولعا العان «اتىراۋينجستروي» جشس تەرەكتەردى تامىرىمەن كوشىردى. ويتكەنى كەڭەيتىلەتىن جول بويىنداعى تەرەكتەر جوبالانعان جۇمىستى اتقارۋعا كەدەرگى كەلتىرىپتى, دەپ حابارلايدى Egemen.kz.
– جوباعا سايكەس, تەرەكتەر كەسىلۋى ءتيىس ەدى. بىراق تاپسىرىس بەرۋشى مەن مەردىگەر كومپانيانىڭ بىرلەسكەن ۇيعارىمىمەن وزگەشە شەشىم قابىلداندى. بۇل – تەرەكتەردى باسقا ورىنعا اۋىستىرىپ, ساقتاپ قالۋ, – دەيدى سەرىكتەستىك ديرەكتورىنىڭ ورىنباسارى ورىنباي عابباسوۆ.
وسىلايشا اۋقىمدى جۇمىس باستالعانعا دەيىن كوپجىلعى 30-دان استام تەرەك «مۇنايشى» ستاديونى ماڭىنداعى اللەياعا كوشىرىلدى. ەندى قالانى كوگالداندىرۋمەن اينالىساتىن «كدمس» كومپانياسىنىڭ ماماندارى «قونىس اۋدارعان» تەرەكتەرگە ۇنەمى باقىلاۋ جۇرگىزگەلى وتىر.
– تەرەكتەر دە تىرشىلىك يەسى سەكىلدى جاڭا ورىنعا بەيىمدەلگەنگە دەيىن «اۋىرادى». الايدا, تىڭايتقىشتار مەن تۇراقتى سۋارۋ تەرەكتەردىڭ تامىر جايۋىنا كومەكتەسەدى. ءبىر ايدا تەرەكتەردىڭ تامىر جايعانى نەمەسە ءولىپ قالعانى بەلگىلى بولادى, – دەدى و.عابباسوۆ.
اتىراۋ وبلىسى