بقو باس مەملەكەتتىك سانيتار دارىگەرى مۇحامعالي ارىسپاەۆتىڭ 31 مامىرداعى جاڭا قاۋلىسى شىقتى, دەپ حابارلايدى Egemen.kz.
بقو سانيتارلىق-ەپيدەميولوگيالىق باقىلاۋ دەپارتامەنتىنىڭ ءباسپاسوز قىزمەتى ءمالىم ەتكەنىندەي, قاۋلى 2 ماۋسىمنان باستاپ كۇشىنە ەنەدى. وبلىستىڭ سارى ايماققا كىرۋىنە بايلانىستى شەكتەۋ شارالارى جەڭىلدەتىلدى.
اتاپ ايتقاندا, بۇعان دەيىن مەملەكەتتىك ورگاندار مەن كۆازيمەملەكەتتىك سەكتور ۇيىمدارى قىزمەتكەرلەرىنىڭ كەمىندە 80, جەكە كاسىپكەرلىكتەگىلەردىڭ 50 پايىزى قاشىقتان جۇمىستان جاساپ كەلگەن ەدى.
ەندى 2 ماۋسىمنان باستاپ مەملەكەتتىك ورگاندار مەن كۆازيمەملەكەتتىك سەكتور ۇيىمدارىنىڭ كەمىندە 50 پايىزى جۇمىسىن قاشىقتان اتقارادى. سونىمەن قاتار مەملەكەتتىك ورگاندار, ۇيىمدار, وفيستەر قىزمەتكەرلەرگە COVID-19-عا قارسى ۆاكتسيناتسيالاۋ جۇرگىزىلگەن جاعدايدا قاشىقتان جانە شتاتتىق فورماتتا جۇمىس ىستەيتىن قىزمەتكەرلەردىڭ پايىزدىق اراقاتىناسى جونىندەگى تالاپتاردى ەسكەرمەي قىزمەتىن ۇيىمداستىرا الادى.
وسى ورايدا ەكپەنىڭ تولىق كۋرسىنان وتكەن جانە سوڭعى التى ايدا كوروناۆيرۋسپەن اۋىرىپ, ەمدەلىپ شىققان بارلىق قىزمەتكەرلەر شتاتتىق رەجيمدە جۇمىس ىستەي الادى. الايدا جينالىس, كەڭەستەر, سەمينار, كونفەرەنتسيالار سەلەكتورلىق رەجيمدە جانە بەينەبايلانىس ارقىلى وتكىزىلەدى.
باسقا دا كارانتيندىك تالاپتار ساقتالادى.