ول 320 شاقىرىمدى نەبارى 44 ساعات 56 مينۋتتا جۇگىرىپ وتكەن, دەپ حابارلايدى Egemen.kz.
وسىلايشا باستاپقى جوسپارلانعان ۋاقىتتان 3 ساعاتقا ەرتە كەلدى. جەزقازعان قالاسىنان شىققان جەلاياقتى جاڭاارقا جۇرتى زور قوشەمەتپەن قارسى الىپ, كولىك سىيلادى.
العاشقى كۇنى زاڭعار ەش توقتاماستان 70 شاقىرىم جۇگىرگەن, كەيىن ءار 40 شاقىرىم سايىن ايالداپ وتىردى. دەنساۋلىعىن دارىگەرلەر ءجىتى قاداعالادى.
زاڭعار قازىر اسكەري-پوليتسيا وفيتسەرى بولىپ ەڭبەك ەتەدى. ول بۇل رەكوردتى قاشىقتىققا ەمەس, ۋاقىتقا ارناپ وتىر. قازىر زاڭعاردىڭ بۇل جەتىستىگى گيننەستىڭ رەكوردتار كىتابىنا جونەلتىلدى. ەگەر ولار الەمدىك رەكورد دەپ مويىنداسا, ارنايى سەرتيفيكات تاپسىراتىن بولادى. «بۇل قازاقستاننىڭ العاشقى وسىنداي ۋلترامارافوندى جۇگىرىپ قويعان رەكوردى. سول رەكورد ءبىزدىڭ كەزەكتى قاراشا ايىندا شىعاتىن رەكوردتار كىتابىنا ەنەيىن دەپ وتىر», دەيدى قازاقستان رەكوردتار كىتابىنىڭ رەسمي وكىلى باقىتجان تاستۇلەكوۆ.