قازاقستاندا كەلەسى اپتادا بىرنەشە ماڭىزدى كۇن اتاپ وتىلەدى. ناقتىراق ايتقاندا, 31 مامىر ەلىمىزدە ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى رەتىندە بەلگىلەنگەن, 1 ماۋسىم حالىقارالىق بالالاردى قورعاۋ كۇنى, ال 4 ماۋسىم – قر مەملەكەتتىك رامىزدەر كۇنى. ەلوردادا وسى ءىس-شارالاردىڭ قۇرمەتىنە وراي ءىس-شارالار, كورمەلەر, كونتسەرتتەر وتەدى. بۇل جيىنداردىڭ كوپشىلىگى ونلاين فورماتتا ۇيىمداستىرىلادى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى «الجير» مۇراجاي-مەموريالدىق كەشەنى سانكت-پەتەربۋرگ, يەرۋساليم, تەل-اۆيۆ, تبيليسي, الماتى قالالارى بويىنشا زەرتتەۋ ەكسپەديتسيالارى بارىسىندا جينالعان ماتەريالدار نەگىزىندە ء«الجيردىڭ بىرەگەي ەكسپوناتتارى» اتتى ونلاين-كورمەسىن وتكىزەدى. سول كۇنى مۋزەيدىڭ الەۋمەتتىك جەلىلەردەگى پاراقشاسىندا ساياسي قۋعىن-سۇرگىن جانە توتاليتاريزم قۇرباندارىن ەسكە الۋ مەموريالىنا جانە «1932-1933 جىلدارداعى اشارشىلىق قۇرباندارىنا تاعزىم» مونۋمەنتىنە گۇل شوقتارىن قويۋ ءراسىمىن كورۋگە بولادى. بىرنەشە ساعاتتان كەيىن مۇراجاي عيماراتىندا ەۋروپالىق كەڭەس پەن «الجير» مۇراجايى ۇيىمداستىرعان «توتاليتاريزم قۇرباندارىن ەسكە الۋ – ەۋرووداق پەن قازاقستان اراسىندا جاڭا كوپىر سالۋ» تاقىرىبىندا دوڭگەلەك ۇستەل وتەدى.
حالىقارالىق بالالاردى قورعاۋ كۇنىنە وراي «الجير» «كارلاگ تۋرالى اقيقات» ونلاين-كورمەسىن ۇيىمداستىرادى. سونداي-اق, 1-3 ماۋسىم ارالىعىندا «كارلاگ بالالارى» تۋرالى ءدارىس وتكىزەدى. 4 ماۋسىمدا قازاقستان رەسپۋبليكاسىنىڭ مەملەكەتتىك رامىزدەر كۇنىنە وراي مۇراجايدا «بىرلىك پەن بەيبىتشىلىك نىشاندارى» ۆيرتۋالدى كورمەسى, ال 4 جانە 5 ماۋسىمدا «مەملەكەتتىك رامىزدەر – ەلىمىزدىڭ نىشانى» ءدارىسى وتەدى.
بالالاردى قورعاۋ كۇنىنە وراي, 1 ماۋسىم كۇنى ساعات 15:00-دە «ناز» مەملەكەتتىك بي تەاترى «باقىتتى بولسىن بالالار» كونتسەرتتىك باعدارلاماسىن وتكىزەدى.
نۇر-سۇلتان اكىمدىگىنىڭ ورتالىقتاندىرىلعان كىتاپحانالار جۇيەسى دە اتاۋلى كۇندەردەن تىس قالعان جوق. ماسەلەن, 31 مامىردا ميچۋرينو تۇرعىن الابىنداعى №10 بۇقارالىق كىتاپحانادا, سونداي-اق №2 بالالار كىتاپحاناسىندا ساياسي قۋعىن-سۇرگىن جانە اشارشىلىق قۇرباندارىن ەسكە الىپ, سلايدتار مەن كورمە ستەندتەرى بارىسىندا وتكەن عاسىردىڭ زوبالاڭ جىلدارى بولعان وقيعالار تۋرالى ايتىلادى.
1 ماۋسىمدا قالالىق كىتاپحانالاردا بالالارعا ارنالعان ويىن باعدارلامالارىن, سايىستار, ۆيكتورينالار, ەرتەڭگىلىكتەر وتكىزۋ جوسپارلانىپ وتىر.
1 ماۋسىم كۇنى ساعات 19:00-دە نۇر-سۇلتان قالاسىنىڭ مەملەكەتتىك اكادەميالىق فيلارمونياسى ع.جۇبانوۆا «پود زناكوم بەلى بارتوكا» اتتى ىشەكتى اسپاپتار كۆارتەتىنىڭ كونتسەرتىنە شاقىرادى.
4 ماۋسىمدا فيلارمونيا قر مەملەكەتتىك رامىزدەر كۇنىنە ارنالعان «جەلبىرەگەن كوك تۋىم» كلاسسيكالىق جانە ەسترادالىق ۆوكال ءبولىمىنىڭ كونتسەرتىن ۇيىمداستىرادى.
5 ماۋسىم كۇنى تاڭەرتەڭ «استانا» كونتسەرت زالىنىڭ ساحناسىندا قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان «JANA TOLKYN» بالالار مەن جاسوسپىرىمدەر شىعارماشىلىعىنىڭ I رەسپۋبليكالىق بايقاۋى وتەدى.
1 ماۋسىم كۇنى ساعات 11:00-دە استانالىق تسيرك Instagram-داعى رەسمي اككاۋنتىندا (Astanalyqtsirk) تسيرك ارتىستەرىنىڭ ونەرىن ونلاين ۇسىنادى. ال ەكى ساعاتتان كەيىن تسيرك «دەتي سولنتسا» شاراسىن تىكەلەي ەفيردە وتكىزەدى.
ايتا كەتۋ كەرەك, ءىس-شارالاردىڭ ءبارى سانيتارلىق نورمالاردى ساقتاي وتىرىپ وتكىزىلەدى.