جاڭا نورمالار كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋداعى بىرىڭعاي جۇيەسىن قالىپتاستىرادى. بۇل تۋرالى پارلامەنت سەناتىنىڭ توراعاسى ماۋلەن اشىمباەۆ ءمالىم ەتتى, دەپ حابارلايدى Egemen.kz.
بۇگىن پالاتا دەپۋتاتتارى «كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋى تۋرالى» زاڭى مەن ىلەسپە قۇجاتتى قابىلدادى.
«مەملەكەتتىك قارجىنى ءتيىمدى جۇمساۋ – اسا ماڭىزدى ماسەلە. مەملەكەتتىك ساتىپ الۋدى, ونىڭ ىشىندە كۆازيمەملەكەتتىك سەكتوردىڭ الۋىن ءتيىمدى پايدالانۋدى پاندەميادان كەيىنگى كەزەڭدە ەكونوميكالىق باسەكەلەستىكتى قالپىنا كەلتىرۋدىڭ تەتىگى رەتىندە قاراستىرعان ءجون. الايدا وسىعان دەيىن ۇلتتىق كومپانيالار مەن مەملەكەتتىك حولدينگتەردىڭ ساتىپ الۋلارى جالپى تارتىپتەن شىعارىلىپ, ءوز ەرەجەلەرى بويىنشا جۇرگىزىلىپ كەلدى. مەملەكەت باسشىسى بۇل ماسەلەلەردى شەشۋ ءۇشىن ءتيىستى زاڭدى قابىلداۋدى تاپسىرعان ەدى. سونىڭ ناتيجەسىندە زاڭدار ازىرلەنىپ, قابىلدانىپ وتىر», دەدى سەنات توراعاسى پالاتانىڭ جالپى وتىرىسىندا.
سەنات توراعاسىنىڭ پىكىرىنشە, بۇل نورمالار كۆازيمەملەكەتتىك سەكتوردىڭ جەكەلەكەگەن سۋبەكتىلەرىنىڭ ساتىپ الۋداعى بىرىڭعاي جۇيەسىن قالىپتاستىرادى.
«زاڭداردى جۇزەگە اسىرۋ ساتىپ الۋ راسىمدەرىنىڭ تيىمدىلىگى مەن اشىقتىعىن ارتتىرۋعا جول اشادى. بۇل ءوز كەزەگىندە سىبايلاس جەمقورلىق تاۋەكەلدەرىن ازايتادى. بۇگىن قابىلدانعان زاڭدار الداعى ۋاقىتتا ەلىمىزدە قاراجاتتى ءتيىمدى پايدالانۋعا, سونداي-اق كاسىپكەرلەرگە ساتىپ الۋلارعا قاتىسۋ ءۇشىن تەڭ مۇمكىندىكتەر بەرۋگە ىقپال ەتەدى دەپ سەنەمىز», دەدى م.اشىمباەۆ.