سينوپتيكتەر 28 مامىرعا ارنالعان اۋا رايى بولجامىن جاريالادى, دەپ حابارلايدى Egemen.kz.
«قازگيدرومەت» رمك بولجامىنشا, شىعىس قازاقستان وبلىسىنىڭ كەي جەرلەرىندە جەل ەكپىنى 25 م/س جەتۋى ىقتيمال. سونداي-اق داۋىل, بۇرشاق بولجانادى.
تۇركىستان وبلىسىندا دا داۋىل, 15-20 م/س جىلدامدىقتا جەل سوعادى.
جامبىل, باتىس قازاقستان وبلىستارىندا كۇندىز كەي جەرلەردە جەل 15-20 م/س كۇشەيەدى, بۇرشاق جاۋى ىقتيمال.
قاراعاندى, كۇندىز الماتى, اتىراۋ, قوستاناي, اقتوبە وبلىستارىندا جەلدىڭ ەكپىنى 15-20 م/س دەيىن ارتادى.
ماڭعىستاۋ, تۇندە جانە تاڭەرتەڭ سولتۇستىك قازاقستان وبلىستارىندا تۇمان بولادى.
سونىمەن قاتار كۇندىز قىزىلوردا, اقتوبە, باتىس قازاقستان وبلىستارىندا, قاراعاندى وبلىسىنىڭ وڭتۇستىگىندە قاتتى ىستىق ساقتالادى.
سينوپتيكتەردىڭ مالىمەتىنشە, قىزىلوردا, اقتوبە, قاراعاندى, پاۆلودار, شىعىس قازاقستان, الماتى وبلىستارىنىڭ كەي جەرلەرىندە, جامبىل, اتىراۋ, باتىس قازاقستان, قوستاناي وبلىستارىنىڭ جەكەلەگەن اۋداندارىندا وتە جوعارى ءورت قاۋپى ساقتالادى.